~~~~~ හුදකලාව යනු සැපතකි ~~~~~

හුදකලාව යනු විඳීමකි...

හුදකලාව යනු දැනීමකි...

හුදකලාව යනු සතුටකි...

හුදකලාව යනු උත්කර්ශයකි...

හුදකලාව යනු කළාවකි...

හුදකලාව යනු ආගමකි...

හුදකලාව යනු චිකිත්සාවකි..

හුදකලාව යනු සැපතකි...

හුදකලාව යනු ප්රහර්ශයකි...

හුදකලාව යනු සැනසීමකි……

එය රසවිඳින්නන්ට ඇබ්බැහියකි, 

අතනොහැරිය හැකි පුරැද්දකි…

කඨොර වෙනස්වීම් හමුවේ නොසැලී සිටීමට ස්ථාවරයකි...

තනිව පියාසර කරනවුන් ශක්තිමත්ම පියාපත් දරන්නෝ වෙති..

තනිව ගමන් කරනවුන් ශක්තිමත්ම දිශානතියක් ඇත්තෝ වෙති..

~~~~~~~~~~~~~~~~~~

සාර්ථකත්වය යනු හුදකලා ගමනකි...

සාර්ථකත්වය යනු අසීරැ ගමනකි...

සාර්ථකත්වය යනු දැඩි ගමනකි...

එය සියල්ලන් සඳහා නොව තෝරාගත් සුළුපිරිසකගේ ගමනකි..

බැටළුවන් සඳහා නොවන ගමනකි..

වෘකයන් සඳහාම වූ ගමනකි...

තමන් යනු කවුරැන්දැයි හඳුනා ගන්නා ගමනකි…

තම විභවය සොයාගන්නා ගමනකි..

~~~~~~~~

හුදකලාව රස විඳින්නෝ අපූරැ මිනිසුන්ය….

ලෝකය වෙනස් කලේ ඔවුන්ය…

සම්මතයෙන් ඔබ්බට තනිව ගියේ ඔවුන්ය…

අන් අයගේ පිලිගැනීම් හරසර ලඝු කෙරැවෝ ඔවුන්මය….

යථාර්තයේ තිමිර ගැලවූයෝ ඔවුන්ය…

අත්දැකීමේ සීමා වළළු පුළුල් කෙරැවේ ඔවුන්ය..

~~~~

තම පැවැත්ම සඳහා අන් අයගේ අවශ්යයතාවය, පිළිගැනීම අවම වූවෝ ඔවුන් වෙති..

තනිව ගමන්ගන්නෝ පිළිගැනීම් නොතකයි, උත්කර්ෂයන් නොබලයි…

සිය ශක්තිය මත විශ්වාසය තබයි…

ඒ මතම සතුටට පත්වේ…

සමෘද්ධිමත් වේ... 

~~~

ඔබ අනිකුන් වෙතින් උදව් නොඉල්විය යුතුයැයි මම නොපවසමි..

ඔබට සතුටු වීමට හුදකලා වීම අනිවාර්යයැයි මම නොපවසමි...

මන්ද මෙය ඔබ සඳහා නොවන ගමනක් විය හැකි බැවිනි..

මෙය ඔබේ තේ කෝප්පය නොවිය හැක..

නමුත් මෙය මගේ ගමනයි…

මා වැනිවූ අනෙකුත් වෘකයන්ගේ ගමනයි...
අපේ ගමනයි…

තනිව සටන් කරන්නන්ගේ විජයග්රාහී ගමනයි…

නමුත් සමහර විට මෙය ඔබේද ගමන විය හැකිය…

~~

කිසිවෙකු විසින් උදව් නොකලාවූ, කිසිවෙකුගේ සහාය නොලැබූ..

කිසිවෙක් අනුග්රාහ නොදැක්වූ…

අපගේ ස්වොත්සාහයෙන්, වීර්යයෙන්, ආත්ම විශ්වාසයෙන් ගියාවූ ගමනයි...

අනෙකුන්ගේ විශ්වාසයන් අපට අවැසි නැත…

අපගේ විශ්වාසය ප්රමාණවත්ය..

~~

සත්යවාදී වූ විට..

තමන් කෙරේ විශ්වාසය ඇති විට..

අන් අයගේ මතවාදයන් නොව තමන්ගේම දැක්මක් ඇතිවිට…

තම යුතුකම්, වගකීම් හා වගවීම් නියත දැක්මකින් සෘජූ වූ විට..

තමන් කවුදැයි තමන්ම දන්නා විට…

තමා කෙරෙහිම ඇතිවූ ගෞරවයක් ඇතිවිට බාහිර සම්මාන ශුණ්යය වනු ඇත…

මේ සියල්ලම නැතිවිට බාහිර සම්මාන ඇගයීම් මහමෙරක් වනු ඇත…

ඒවා නැතිවිට දුකක් වනු ඇත…

බාහිර ඇගයීම් ලැබීමට ආශාකරනු ඇත..

ඒ සඳහා ශ්රමය වගුරැවනු ඇත….

ඒ අතරම තමන් යනු කවරෙක්දැයි අමතක වනු ඇත…

මමත්වය උදෙසා සිය විභවයන්, ශක්තීන් උගසට තබනු ඇත..

අවසන අත්පොලසන් හඬ දහසක් උදෙසා ඔවුන් සිය නිදහස පාවාදෙනු ඇත..

~~

මිනිසුන් ගරැකරන්නේ ශක්තිවන්තයන්ටය…

බර උසුලා දරාගන්නවුන්ටය…

ධෛර්යවන්තයින්ටය...

පහර දරා පෙරලා පහරදෙන්නවුන්ටය…

වැටුනත් නැවත නැගිටින අයවළුන්ටය…

සිය හදවතට අවැසි දේ සොයා නිභයව ගමන්ගන්නා අයටය…

~~~

ඔබ එසේ වන්නේ  ඇයිදැයි අසනු ඇත... 

එය  එසේ වන්නේ එය දුර්ලභ බැවිනි...

එය එසේ වන්නේ එය සියල්ලන්ටම කලනොහැකි බැවිනි..

එය  එසේ වන්නේ එය අප සඳහා පමණක්ම වන බැවිනි... 

එය  තනිව ගමන් කරනවුන් සඳහාම වූ බැවිනි...

බොහෝ මිනිසුන් මඟ යෑමට බලාපොරොත්තු වූවත් මග පෙන්වන්නවුන් අප වන බැවිනි... 

~~~~

අප උගත්තේ තනිව සටන් කිරීමටයි…

ඒනිසාම ශක්තිය උරගා බැලීමේදී අපි ශක්තිවන්තයින් වීමු..

ඒ සටන් කිරීමෙන් ලබාගත්තේ ඇතුලත ශක්තියයි..

එය බිඳ දැමිය නොහැක..

විනාශකල නොහැක…

සතුරාට යටත් කල නොහැක…

අන්ධකාරයේ පහලට කිමිදුනු මා ආධ්යත්මයේ ගැඹුර සොයාගත්තේය…

එහි දැක්ම පැහැදිලිය මා යනු කවරෙක්ද යන්නත්…

අවශ්යයතා හා දැක්මත් පැහැදිලිය…

නිරවුල්ය…

~~~

මා පැමිණිමග ආපසු හැරී බැලූ විට මටම සතුටුවිය හැක…

තනිව ගමන්ගත් මාගේ ගමන විටෙක රළුය…

විටෙක අපහසුය…

නමුත් අවසන මම ජයගතිමි..

මට මා ගැනම ඇත්තේ ගෞරවයකි…

සතුටකි…

හුදකලාවේ සටන්කොට ජයගත් මා මටම වීරයෙකි…

තනිව ගමන්ගත් මා මෘගයෙක් බවටද දේවත්වය ආරෝපිත්යෙක් බවටද බලා සිටින්නත් දෙස් දෙනු ඇත…

ඒ කිසිවක් මට අදාල නොවේ…

ඒ මම හුදකලාවේ අනන්තය ස්පර්ශ කොට ඇති බැවිනි මා මාතුලම සතුටින් සිටිනා බැවිනි…

~~~

ඔබට ඔබ සමගම තනිවීම සතුටක් නම් හුදකලාව වචනයක් පමණි….

එහි ඇති කිසිවක් නැත..

එහි නැති කිසිවක්ද නැත…

ඇත්තේ ප්රහර්ශයේද, මායාවේද, සත්යයේද කඩතුරාව පමණි…

විනිවිදින්න හුදකලාව..

අත්විදින්න යතාර්තය..

ඔබ තුලම ඔබ සතුටු වන්න...

නිවීම ඇත්තේ එහිය...

ස්වර්ගය ඇත්තේ එහිය...

මෝක්ශය ඇත්තේ එහිය...

ප්රඥාව ඇත්තේ එහිය...

අවබෝධ්ය ඇත්තේ එහිය…

පියාවිදා ඉගිලෙන්න…

ඔබේ ශක්තීන් අවදිකරගන්න…

තනිව හැසිරෙන්න…

අවිද්යාව බිඳ හෙලන්න..

තනිව පියාසර කරනවුන් ශක්තිමත්ම පියාපත් දරන්නෝ වෙති..

තනිව ගමන් කරනවුන් ශක්තිමත්ම දිශානතියක් ඇත්තෝ වෙති..

~~~

හුදකලාව යනු විඳීමකි...

හුදකලාව යනු දැනීමකි...

හුදකලාව යනු සතුටකි...

හුදකලාව යනු උත්කර්ශයකි...

හුදකලාව යනු කළාවකි...

හුදකලාව යනු ආගමකි...

හුදකලාව යනු චිකිත්සාවකි..

හුදකලාව යනු සැපතකි...

හුදකලාව යනු ප්රහර්ශයකි...

හුදකලාව යනු සැනසීමකි……

~~~

© පසන්, පර්ත්, ජූලි 31, 2019.

පින්තූර අන්තර්ජාලයෙනි…

""කන්නගී" ද හරි? "මාධවී" ද හරි?……….

"පත්තිනි" කිව්වම හිතට එන්නේ තුන් කොන් ප්රේම කථා. සමහර වෙලාවට මිනිස්සු ලබාගන්න බැරි වුනාම ස්ත්රී පාර්ශ්වයට අවලාද කරන්නෙත් ඒ නම කියලා..හුඟක් වේලාවට ඉන්ඩිපෙන්ඩන්ට්, කැරිස්මැටික් ගැනියෙක් හැන්ඩ්ල් කරගන්න බැරි පිරිමින්ට ඉතුරැ වෙන පොඩි වචන අතර හොඳට නරකට දෙකටම තියෙන එකක් තමයි “පත්තිනි"..

සුනිල් ආරියරත්න මහත්තයා (2016) ෆිල්ම් එකකුත් කරලා "පත්තිනි" උඩතිව්වට මගේ මනාපය නම් “මාධවී" ට…ඇත්තටම දෙන්නටම කැමති වුනාට වැඩිබරක් "මාධවී" ට..ඒ අපි ජීවිතේ පැරලල්ස් හදාගන්න හින්දද නැත්නම් ආදරේ ඉදිරියේ පිරිමි හිතේ වස්තුභංගත්වයද කියලා තේරැම් ගන්න අමාරැයි..කොහොමත් මම "මාධවීට" කැමති වෙන කාරණය කියන්න ඉතිහාසේ හීනීයට තවරන්නම වෙනවා…පත්තිනි කතා දෙක තුනක්ම ඉන්දියාවේ සහ ලංකාවේ පැටළුනාට මේ මම ආසාවෙන් කියවපු එක..

අපිට "පත්තිනි චරිත කතාව" මුලින අහන්න ලැබෙන්නේ දෙවෙනි සියවසට අයත් "ශීලප්පදිකාරම්" කියන ද්රවිඩ කාව්යයේ..ශීලප්පදිකාරම් කියන එකේ අර්ථය "හළඹ කතාව" කියන එක..මේකේ ලොකේශන් එක දකුණු ඉන්දියාව..මුල් නළුවොන්ට ඉන්නේ "කන්නගී", "කොවාලන්" , "මාධවී"..තිර පිටපත ඉලංගෝ අදිගාල් කියන ජෛන භික්ෂුව..මේ මණිමෙඛලා ට ධර්මය උගන්වපු අරවක අදිගාල් ම  තමයි..…ප්ලොට් එක මෙහෙමයි…කොවාලන් සල්ලි යහමින් තියෙන ධනවත් වෙළඳ කෙළෙඹියෙක් ඉතින් අපි වගේම තමා කළවයස හරියනකොට ගෙදරින් හොයලා දෙන ස්ත්රී පරාණයක් එක්ක ජීවිත කාළයම ගත කරන එක ඉස්සරත් තිබිලා තියෙනවානේ..ඉතින් කොවාලන්ටත් ඕක පොදු ධර්මතාවයක් වුනා..දකුණු ඉන්දියාවද ලංකාවේ දකුණද වෙනසක් නෑ....ඉතින් ගලපලා කරපු මේ මගුලේ කෙල්ල "කන්නගී" මුලින් ආදරෙන් බැඳිලා..ප්රේමයෙන් වෙලිලා හිටියට පහු පහු වෙනකොට කොහු කොහු වෙන දේවල් ක්රිස්තු පූර්ව දෙකෙත් වුනා අදත් වෙනවා…වෙනසක් නෑ....ඔය කොයි කාටත් වෙන සන්තැසියම තමා කොවාලන්ටත් වුනේ..කොවාලන් නාට්යය කාරයෙක්, සල්ලාලයෙක් කිව්වට අපි හැමෝගෙම වගේ ඇතුලේ ඉන්න රසවතා එළියට ආවද දන්නෙත් නෑ..කොහොමහරි කොවාලන් කන්නගී ජීවිතේ තිරය මත ගලා යනවා....

මේ වෙලාවෙදී තමයි "මාධවී" රැපරාමුවේ පේන්න ගන්නේ..ලස්සන කුරැළු කූඩුවක් කඩන්න එන "වෙසඟන"..දුශ්ඨී භූමිකාව අපුරැවට රඟ දක්වන්න සේරම සුදුසුකම් තියෙනවා.ලස්සණට සිංදු කියන්නත් පුළුවන්..හිතට වැදෙන පුද්ගලික අනුභූතීන්ට ගෝචර නොවූ භාවයන් ගැන අර්ථාන්විත ගීත ගැන මනෝමය පූරණයක් දෙන්නත් පුළුවන්. රහමෙරක් එක්ක හෝරා බොහෝ ගනනක් හරවත් සංවාදයක යෙදෙන්නත් පුළුවන්...හැඟීම්, දැනීම් ඔස්සේ ඉහළ පහළ යන ජීවිතයකට අර්ථයක් එක් කරන්න මේ කෙල්ලට පුළුවන් කියලා කොවාලන්ටත් හිතෙන්නත් ඇති..දැන් රැප රාමූ පුරා තියෙන්නේ "දුශ්ඨයාගේ ප්රේම දර්ශණ”..හැබැයි අංක එක ප්රශ්ණය, ඇත්තටම දුශ්ඨයා කවුද?  මේකේ ඉතින් ගලපගන්නෙ තියෙන්නේ කන්නගී, කොවාලන් කූඩුව පිරිලා තිබුනේ හදවතින් බැඳුන ප්රේමයෙන්ද නැත්නම් දෙමව්පිය ඌරැවට, ලෝකෙට පරකාසෙට කරපු, මොහොතක රාගයෙන් පිරීගිය කසාදෙන්ද කියන එක…ඒක දෙවෙනියට තෝරගන්න වෙනවා..

දැන් මේ තුන් කොන් ආදරේ කොවාලන්, මාධවී ගෙන් සතුටු වෙනවා..ආදරේ තියෙන්නේ පුදුම තැන්වල..මෙහෙම කාළයක් ගතවෙනවා..ජීවිතේ කියන්නේ භාව පූරණයක්ය , අසම්මතයෙනුත් ඔබ්බට ගියපු තැනක්ය කියලා කොවාලන්ට හිතෙන්නෙත් මාධවී ගෙන්මයි...ඒ ඇගේ ගීතයක් අහන කොට..සමහරක් වෙලාවට මේ වගේ සිංදුවක්ද දන්නෙත් නෑ..

මල් පෙරහැර එන්නා සේ හිඳිමි..

ඔබ මහද පුරා ඇවිදින සුව විඳිමි…

ගැල් පෙරහැර යන්නා සේ නිදමි..

ඔබ අහක බලා ගිය පසු දුක් විඳිමි…

~~~ ඒ දුක නිමක් නැති එනමුදු කමක් නැතී ~~~~

යළි හිත හදා ගමි සදහට පතා එමි…

හඹා එමි සදා ඔබම පතමී…

කොවාලන්ගේ හිත බරවෙනවා...ආපහු කන්නගී ලඟට යනවා..මේ පළහිලව්ව හින්දා කන්නගීත් බිඳ වැටිලා ඉන්නේ..කොහොම හරි පව් සමා කරගන්න කියලා කන්නගී ලඟට කොවාලන් යන්නේ මාධවීට දරැවෙකුත් දීලා..ඒ දරැවා මේ ලොකේ එළිය බලන්නත් කලින් කළුවරේම පිට වෙනවා...මේ පුරාවෘත කියවන කොට මාධවීටත් එයාගේ ලැබෙන්න ඉන්න දරැවටත් කන්නගී කලේ සමාව ගතයුතු වරදක් නේද කියලත් හිතෙනවා..ඒත් ඉතින් කන්නගී ගේ කසාද උරැමේ ලැබුන එකටත් සතුටු වෙන්නෙපැ..නාට්යංගනාව වගේද වංශවත්, කුළවත් නෛතික බිරිඳ…දැන් ඉතින් සතුටු වෙන්න පුළුවන් මට්ටමකට කන්නගී ආවා කියලා හිතෙනවා..ගෑණුන්ටත් මිනිහෙක්ගේ ආඩම්බරේට, හිනාවට, නිහඬ බවට...ආදී වශයෙන් හිත දන්දුන්න හේතු දාහක් තියෙනවා..ඒකා බැඳලද කියලා බලන්නේ නෑනේ..ඕවා සසර බැඳීම් කියලයි මට හිතෙන්නේ...ඔය බැඳීම් ලිහලා කොවාලනුත් කන්නගී එක්ක ආපහු අළුතෙන් ජීවිතේ පටන්ගන්න මදුරා පුරයට යනවා..

මිනිස්සු අතින් වැරදි වෙනවා..විශේශයෙන්ම පිරිමි හිත්..ඒත් සමාව දෙන එක දේව ගතියක්ලු නේ..ගෑණු ඕවට දස්සයි..කන්නගී කොවාලන්ව අතාරින්නේ නැ…ආපහු බාර ගන්නවා..…සල්ලි නැතිවෙනකොට පෑළ දොරින් යන ආදරේ වෙනුවට කොවාලන්ට කන්නගීගේ අන්තිම රන් සිළංඹුවත් දෙනවා..විකුණලා සල්ලි ගන්න..ජීවිතේ එක පාරක් වරද්ද ගත්ත මිනිස්සු හරියට පරෙස්සන් වෙන්න ඕන..දෙවියන්ගේ මෝළ කැරකෙන්නේ හෙමින්..හැබැයි කුඩු වෙන්නම කැරකෙනවා..මදුරා පුරයේ රජ කරපු පාන්ඩ්යය රජ තුමාගේ මෙහෙසියගේ රන් සිළංඹුවත් මේ දවසෙම නැතිවෙනවා..කොවාලනුත් රන් සිළංඹුවක් අරගෙන කැරකෙනවා....කළ පව් පස්සෙන් එනවා කියන්නේ ඕකට තමා..මොනවා වෙන්නද පිටිතල හයා බැඳ හිස ගසනවා..තනියම පව් කරාට මොකද වටේපිටේ අයත් ඇපකාරයෝ කරගත්තම ඒ මිනිස්සුන්ටත් නිවනක් නැ..කටින් කට ගිහින් මේ වෙච්චි අසාදාරණේ කන්නගීට ආරංචි වෙනවා..රජතුමා වෙතට එන කන්නගී තමන්ගේ සැමියා නොකළ වරදකට  මරණයට පත්වුනා කියලා වැලපෙනවා..සොරාගත් සිලංඹුවේ ඇතුලේ "මුතු" තිබුනත් තමන්ගේ සිලංඹුවේ තියෙන්නේ "මැණික්" බව සිලංඹුව කුඩු කොට ඔප්පු කරනවා...නිර්දොශී පුද්ගලයෙක් දං ගෙඩියට යැවීම නිසා ඇතිවුනු චිත්ත වික්ශෝපයෙන් රජතුමා මරණයට පත්වෙනවා..ඒවා හැබැයි ඒ කාලේ කතා..මේ කළියුගේ ගොමරිටි උඩ ඇවිත් ඔය කතා අහලා, දැකලා, කියවලා තියෙන නිසා රජුගේ මරණේ ගැන ඔයිට වඩා යමක් කියන්න බැ..හැබැයි කන්නගී මේක මෙතනින් නවත්තන්නේ නැ..මදුරා පුරවීදි දිගේ කෝපයෙන් යන ඇය මෙහෙම සත්යයක් ක්රියා කරන්වා "මගේ පතිවෘත්තාවේ බල සත්යයක් නම් සිල්වත් පුද්ගලයන් පමණක් ඉතුරැව අනෙකුත් සියළුම දෙනා ගින්නෙන් දැවී විනාශ වේවායි" පතනවා..ඒ විතරක් නම් මදැ..කන්නගී තමන්ගේ වම් පියයුර කඩා විසිකරපු බවත් ඒ මොහොතේම මදුරා පුරය ගින්නේන් දැවී අළුවී ගිය බවත් පුරාවෘතයේ කියවෙනවා..තමන්ගේ පතිවෘත්තාවේ බලයෙන් ඇය කීර්තියට පත්වෙනවා..දේවත්වයෙන් පිදුම් ලබනවා..”කන්නගී" “පත්තිනි” මෑනියන් බවට පත් වෙනවා..ඉන්දියාවේ පමණක් නෙවෙයි ලංකාවෙත් වන්දනා මානයට පත්වෙනවා…

එතකොට මාධවී????

නාට්යංගනාවක් විදියට ඇගෙන් පහස ඉල්ලන් පිරිමි ආවේ නෑ කියල කවුරැහරි කියනව නම් ඒ මිනිහා මන්දයෙක්...ළමයිනුත් එක්ක වුනත් ගැණිව භාර ගන්න කැමති මිනිස්සු ඉන්න මේ ලෝකේ මාධවී නළඟනක් වුනත් වෙසඟනක් වෙන්නේ නෑ..මාධවී ආදරේ කරේ කොවාලන්ට..කොවාලන්ට පමණමයි..පතිවත රැකපු ඈ පුරැශ මූලික ඉන්දීය සමාජයේ දියණියක බිහි කරනවා..මුලින් කියපු මණිමේඛලා මාධවී ගේත් කොවාලන්ගේත් දියණිය..පසු කාළීණව මාධවී සියල්ල දන් දෙනවා..තමන්ගේ දියණියත් දන් දෙනවා..මණිමේඛලා භික්ෂුණිය බෞද්ධ සාහිත්යයෙත් පිටු අතර ඉන්නවා..

මාධවී කන්නගී ගෙන් වෙච්ච අසාධාරණේට සාධාරණේ ඉල්ලගෙන පාරේ ගියේත් නෑ..කොවාලන් පව් සමාකරගන්න ආපහු ආවෙත් නෑ..තමන්ට වෙච්ච අසාධාරණේට මුළු නගරයක මිනිස්සුන්ට ගිනිලෑවේත් නෑ..තමන් රැකපු පතිවෘත්තා බලයෙන් පව් කාරයොන්ට දඬුවම් දුන්නෙත් නෑ..තමන්ගේ හොඳ සමාජ ගත කරන්න අනුන්ගේ පව් ගිණි තිව්වේත් නෑ..

දැන් හිතෙන්නේ නැද්ද පතිවෘත්තාවේ දෙවඟන කන්නගී විතරක් නෙමෙයි කියලා…

අපි අතරත් ඕන තරම් ඉන්නවා මාධවීලා..නිහඬ, ගැඹුරැ අපූරැ චරිත. ලස්සණ පිටින් වගේම ඇතුලෙත් තියෙන අපූරැ ගැහැණු..හැබැයි සමාජේ උත්කර්ශයට නංවන්නේ "පත්තිනි" ලා..සාධාරණේ නාමයෙන්..සත්යයේ අනුහසින්..අසම්පූර්ණ මිනිස්සුන්ගේ පව් වලට දඬුවම් ඉල්ලන තරහගිය “පත්තිනිලා”..ඒත් සමාජය කොච්චර විශමද? සමාජ සාධාරණය කොච්චර සාපේක්ශද? ප්රහර්ශය කොච්චර මායාකාරයිද? එක අතකට ජීවිතේ ඉගෙන ගන්න අපිට "පත්තිනි" ලා දෙන්නේ සැර පාඩම්…..මේ කොහොම කිව්වත් මට හිතෙන්නේ ලෝකේ පවතින්නේ සාධාරණේ ඉල්ලලා ගිණි තියන පත්තිනිලා හින්දා නෙමේ අසාධාරණේට ලක්වෙලාත් නිහඬවම ආදරේ බෙදන "මාධවී" ලා හින්දා කියලයි…ඒ නිසා ගිණි තියපු "පත්තිනි" ට වඩා ගිණි නිවපු "මාධවී" මගේ ලෝකෙට සමීපයි..

© පසන්, පර්ත්....2019

පින්තූර ගත්තේ අන්තර්ජාලයෙනි.

~~~~~~~~~ “හිතුනද එහෙම....නෑ නේද” ~~~~~~~~~~

හිතුනද පුංචිම පුංචි ඉඟියක් වත් නොදී ඉන්න..

නිකමටවත් තොරතුරැ අහන්නේ නැතිව ඉන්න…

හිතේ තිබුන ආදරේ නොකිය ඉන්න…

ඈතම ඈත නගරෙක කලුවර රෑට… සීතල කොනක අහස දිහා බලාගෙන…

කාටවත් නොපෙනෙන්න කඳුලු හලපු ඇස් වලට..දේදුණු හීණ නොදී ඉන්න…

ලොකුවට හිතුවෙ නැතුවට...හැමදේම සීරැවට බැලුවට…

තනි වෙච්ච හිතකට ඇබින්දක් ආදරේ මහමෙරක් කියලා හිතුනද..

සම්මතයෙන් එහාගිය නීතියට කොටු නොවිච්චි ඒ බැදීම් තදයි කියලා හිතුනේ නැද්ද...

ඒ බැදීම් ලිහන්නත්  කාලයක් ගතවෙන බව….

සමහර වෙලාවට ලිහාගන්නම බැරි විත්තිය….

හිතුනද එහෙම....නෑ නේද…

කාළයක් හිටියා වගේ...මට ඕන ආයෙත් ලෝකෙන්ම හැංගෙන්න….

ඔයා මගේ ලෝකෙට එන්න ඉස්සර හිටියා වගේ...

ඔව්…..ආයෙමත් මට ඕන……තනියම ඇවිදින්න……

සීරැවට එකයායට අහස දිහා බලාගෙන ඇවිදින්න...

ඒත්….තනියම වෙන්වෙලා ගියපු ඔයා නැතුව ඇවිදින එක අමාරැයි…පාළුයි....

ඔයාට පුළුවන්ද පුංචි තරැවකට කියන්න මට එළිය දෙන්න…

© පසන්, පර්ත්, 2019.

පින්තූර අන්තර්ජාලයෙනි…

තාත්තී හැපි ෆාදර්ස් ඩේ!

පාන්දර කෝල් එක..

මෙල්බන් ලොකු එකී..

ඊලගට ටී ටීක් මැසෙජ් එක.. 

ඉතාලියෙ පොඩි එකා..

කප් රුකෙන් කේක් ගෙඩියක් එවයි මද්දුමී..

පූසො උබවත් හිටින් මගෙ හිතට හරි මදී..

රැහැයියන් ගයන ගී.. 

දෙල් ගහට මුවා වී..

රැයද දහවල කියා.. 

වෙනස උන් නොමදනී..

තනි මටත් ඒකෙ දැන්..

එහෙව් ගානක් නැතී..

අවුරුද්ද මහ පෝය.. 

ඔහේ ගෙවිලා ගියා..

හාමිනාගේ දානෙ..

පන්සලට ගෙන ගියා..

පාරෙ යන මොටෝ රත..

නිතර හිත රැවටුවා..

ඉගිල ගිය මතකයන්..

නෙත් කෙවෙනි තෙත් කලා..

~~~ © විරංග ගුණසේකර ~~~

පින්තූර අන්තර්ජාලයෙනි..

දෙවියනි මා නිරයට යවනු මැනවි...

දෙවියන් වහන්සේ ස්වර්ගය සහ ලෝකය මැවූසේක. (උත්පත්ති පොත) එනමුත් එකලට ප්රථම දෙවියන් වහන්සේ සූරදූතයින් මැවූ බව ජෝබ් පොතේ 38 පරිච්චේදයේ 4 සිට 7 වගන්තියන් පැහැදිලි කරවයි. 

“4  මා මහ පොළොවේ පදනම් දමන විට නුඹ කොතැන සිටියෙහි ද?

5   එතරම් දැනුම ඇත්නම්, කියව, එහි දිග පළල තීරණය කළෝ කවුරු ද?

ඒ මත රේඛා ලණුව ඇද්දේ කවරෙක් ද?දන්නෙහි නම් කියව.

7  ඒ අරුණෝදයෙහි පහන්තරු ගී ගැයී ය. සියලු දෙවි පුත්හු තුති ගොස නැඟුවා හ.

යක්ෂයා (සාතන්) ගැනද ජෝබ් පොතෙ සදහන් වන්නේ එයටත් පෙර සිටය,ඒ ජෝබ් පොතෙ 1 වන පරිච්ඡේදයේ 6 වන කොටසේ මෙසේ සදහන්ව ඈත.

6   තවද, එක් දිනෙක සගලොව රාජ සභාවෙහි ඇමති මණ්ඩලය සමිඳාණන් වහන්සේ ඉදිරියෙහි රැස් වූ අවස්ථාවේ දී විරෝධකාරී සාතන් ද ඔවුන් අතර විය. 

7 “නුඹ දැන් මෙහි පැමිණියේ කොහේ සිට දැ”යි සමිඳාණන් වහන්සේ සාතන්ගෙන් විචාළ සේක. සාතන් සමිඳාණන් වහන්සේට උත්තර දෙමින්, “මම මහ පොළොවේ තැනින් තැන සැරිසරා මෙහි ආවෙමි”යි කී ය. යක්ශයාගේ සමාගමයද දේව සභාවේමය, අය්යො සල්ලි. ඒ නම් යක්ශයා කැමට ඩයල් සොයමින් විය යුතුය. ඒක කියන්නේ, 1 පේදුරු 5-8 කියවලාය

         8 සිහිසන් ඇති ව අවදි ව ඉන්න. ඔබගේ විරුද්ධකාරයා වන යක්ෂයා, ගොරවන සිංහයෙකු මෙන් කවරෙකු ගිලගනිම් දෝ හෝ යි සොයමින් ඔබමොබ ඇවිදින්නේ ය. “ඕ ගෝඩ්, බල්ලා බැද නැත, පරෙස්සමෙන් ගෙදරට යා යුතුය”. 

විපරීතයකි නපුර උපදවන්නේද විපත ඇති කලාවූයේද ඒ තැනන්වහන්සේ මය, යක්ශයා නොවේ (යෙසායා 45 : 7 පෙරළා බලනු මැනවි..)

7 එළිය සාදන්නාවූ, අන්ධකාරය උපදවන්නාවූ, සමාදානය දෙන්නාවූ, විපත උපදවන්නාවූ තැනන්වහන්සේ වෙමි; මම මේ සියල්ල සිදුකරන ස්වාමීන්වහන්සේයයි කියනසේක. එසේ නම් මා යක්ශයාට බයවූයේ ඇයිදැයි නොතේරේ.

දෙවියන් වහන්සේ සියල්ල දන්නා සේක, තමාගේ මැවීමම තමන්ට විරැද්ධ වන බවත් දන්නා සේක. සර්ව සම්පූර්ණ මැවීමක් නොවන බවත් දන්නා සේක් හ. තමාහට පෙරළා පහරදීම් කවදා වෙත්දයි නොදන්නා හෙයින්ද, පෙර සූදාණම මැනවයි අපායද මැවූ සේක. පවට දඩුවම් දෙන දෙවියෝ පව්කාරයාට ආදරය කරන සේක, දේව දූතයෝටද ආදරේ හෙයින් එහි හෙලූ සේක. ඒක කියන්නේ, 2 පේදුරු 2 පරිච්ඡේදයේ 4 වන වගන්තියේ කියවලාය එය මෙසේය, 

4 පව් කළ දේව දූතයන්ට දෙවියන් වහන්සේ දඬුවම් දීමෙන් නොවැළකී, ඔවුන්ගේ විනිශ්චය සඳහා ඔවුන් වෙන් කර තැබීමට නිරයෙහි හෙළා, අන්ධකාර ගුහාවලට භාර දුන් සේක. 

කැරළි ගසන දේව දූතයෝ මවා වැඩේ අල කර ගත්තත් දෙවියන් වහන්සේ සැලුනේ නැත. මිනිසාද මැව්වේය, ඌත් එහෙමය පරණ ගෝළ සාතන් වගේම විය.ඒත් දෙවියන් වහන්සේගේ කරුණාව නිසා 14 හැවිරිදි කණ්යවක් ගැබ්ගන්වා උන්වහන්සේම උන්වහන්සේ උදෙසා මරණයට පත්වී උන්වහන්සේ අල කරගත් වැඩේ ගොඩදා ගත්සේක. තුනද එකකි, එකද තුනකි ඒවා ස්වර්ගයේ ගණන්ය, මා දන්නේ ලන්කාවේ ගණන් නිසා මට ස්වර්ග රාජ්යයේ ඒවා අවුල්ය. එසේ වූවත් පියාණෝද, පුත්රයානෝද, ශුද්ධාත්තමයානෝද මා සමගද ඔබ සමගද වෙත්වා.

ඉහත දැක්වූයේ මාගේ දෙවියන් වහන්සේය, මගේ බිරිද බයිබලේ මළාට කියවලා නැත නමුත් ඇගේ දෙවියා නම් හැම වරදකටම සමාව දෙන, සර්ව බළදාරීයාය .මාගේ දෙවියන් පළිගැනීමේ දෙවියන් වහන්සේය. සත් වරක් පළිගන්නා බවට කායින්ට පොරොන්දු වන්නේ උත්පත්ති කතාවේය. දැඩිමුන්ඩලා කැලේය, කඩවර ලාට වඩා ගේම දෙන්නේය, සූනියම් දෙවියාට වඩා දරුණුය. "ආ ඔයා කියන්නේ පරණ ගිවිසුමේය, අලුත් එකේ එහෙම නැතිය කියා" බයිබලේ තෝර තෝරා කියවනවුන් ශුද්ධවර මැතිව් පොතේ 5 වන පරිච්ඡේදයේ 17 සිට 20ට කියවා පරණ තෙස්තමේන්තුවේ මෝසස්ගේ දස පණත කියවන මෙන් ඉල්ලමි (නික්මයාම 20). මන්ද මාගේ දෙවියෝ ජෙලස් දෙවියෙකි. සින්හලට පරිවර්තනයේදී ‘ප්රතිවාදීන් නොඉවසන උතුමාණෝ’ යයි දක්වා ඇතත් ඉන්ගිරිසියේදී නම් තාමත් "J" දෙයියෙකි.(නික්මයාම 34:14 බලාත්වා)

මාගේ සිතේ උභතෝකෝටිකයකි, දෙවියන් නිරය මවයි, එයට යැවීමට ක්රයිටීරියාද හදයි, දෙවියන් සියල්ල දන්නා බැවින්ද දේව කැමැත්තෙන් තොරව කිසිවක් නොවනා බැවින්ද අපිවන් අදේවවාදීන් හදා ඇත්තේද දෙවියන් විසින් බව හිතෙයි.මේ නම් දේව කැමැත්තකි ඊට එරෙහිනොවිය යුතුය. මා වැනි එවුන් තව එහි ඇතිනම් මොන්ගල් දේව ඩයල් සමග ස්වර්ගයේ සිටිනවාට වඩා නිරය දාහෙන් සම්පතකි. අපිව ගලවාගන්න එන එවුන් බයිබලේ කියවන්නේ උඩින් පල්ලෙනි, කියවා නැතිතැන් වලින් ප්රශ්ණ ඇසූවිට අපිට විශ්වාසය නැතෙයි කියයි. විශ්වාසය නැති නිසා දෙව් පුත්රයාගේ බලයද නැත, මේ කියන්නේ මගේ පුද්ගලික අදහස් නෙවේය, ශුද්ධවර මාර්ක්ගේ සුභාරන්චියේ 6 පරිච්ඡේදයේ 5 වගන්තියයි, කරුණාකර සොයාබලන්න. 

ශුද්ධවර මාක් 6 :5-6 “එහි දී රෝගීන් ස්වල්ප දෙනෙකු පිට අත් තබා සුව කිරීම හැර, අන් කිසි හාස්කමක් කරන්න උන් වහන්සේට නොහැකි විය. 6 ඔවුන්ගේ අවිශ්වාසය ගැන උන් වහන්සේ මවිත වූ සේක”. කෙසේ වෙතත් ලෙඩ සුවකරවා ගෑනීමට නූතනයේ  රෝහළට නොගොස් දෙවියන් යැද්දවුන් දෙවියන් වෙතටම ගියාය.ඒ අතින් නම් ඉවැන්ජලික්යෝ සුපිරි වැඩ්ඩෝය. කුරුසියක් ගසාගන්න සුපිණ්වත.

මේ මක්කා කිව්වත් අපේ නෝනා සමග සිකුරාදා රෑ ඉවැන්ජලික පල්ලියට බයිබලය ගෙන යා යුතුය, අනවශ්යය ප්රශ්ණ නොඇසිය යුතුය, බයිබලේ අගසිට මුලට කියෙව්වත් ඒ බව අන් අයට නොපෙන්විය යුතුය, ප්රෙයිස් ඇන්ඩ් වර්ශිප් එකේ අත් උස්සා, හූ කියා ආතල් එක පෙන්විය යුතුය. අවසානයේ චිකන් අන්ඩක්,  පෝර්ක් කැල්ලක් කා වටේටම උම්මා දී ගෙදර ආ යුතුය. දැන්නම් නිරය නියතයකි ස්වර්ගය සිහිණයකි. “අලෙල්ලුයා...ප්රෙස් ද ලෝර්ඩ්"

© පසන්,  මැයි 21, 2019.

DISCLAIMER : මේ ලේඛකයා බයිබල විශේෂඥයෙකු නොවේ. මේ තොරතුරු සියල්ල පොදු අවකාශයේ (public domain) ඇති තොරතුරු මත පදනම්වී ඇති අතර මූලාශ්ර සියල්ල ලිපියේ අග දක්වා ඇත.

බයිබල් පාඨ උපුටා ගත්තේ, www.bible.com - public domain, 

පින්තූර ගත්තේ අන්තර්ජාලයෙනි... 

~ “වසා දැමූ ❤️ ” ~

සිතින් සිතකට පාව ආ සඳ මලක් වී තව පිපේවා.....

සිතේ අදහස් කියනු බැරි මුව හෙටත් ගොළුවී තිබේවා...

හදේ පතුලේ ඇරුනු දොරඟුළු  නුඹට පමණක් පෙනේවා...

නුඹට අවසඟ මගේ සිතුවිලි කවක් වී යලි ගැයේවා...

සීත අහසෙක ඇදුනූ තිමිරෙක නුඹේ මතකය පෙනේවා...

රුදුරැ සසරේ අපට අමතක සෙනෙහසේ සුව දැනේවා...

දොරේ ගලනා සහස් පැතුමන් හදේ පැතුලේ බැදේවා...

හිමි වුනොතින් මේ භවේදී හදේ යලි රැව ඇදේවා…

                                                     ~~~~පසන්, පර්ත්, 2019. ~~~~~~

පින්තූර ගත්තේ අන්තර්ජාලයෙනි... 

ඇයි ඕස්ට්රේලියාවට ආවේ...ඉන්ටලෙක්ටුවල් ආන්සර් එකක් දීපන් ඈ..

 ටිකක් විතර කූලැටී, සාමාජීය සත්වයෙක් නොවන මගේ සෝශල් ලයිෆ් එක හරිම බෝරින්...ඉතින් රී බෝරින් කරලා ගන්නකෝ කියල කශ්ටිය කිව්වට එක ජාතීයේ කුරුල්ලොනේ එකට වහන්නේ මටත් ඉතින් ඔය මියුසිකල් ශෝ, අරය එනවා, කදුල තියෙනවා,අර පාස්ටර් එනවා, රහතන් වහන්සේ වඩිනවා, අසපුවේ පින්කමක් තියෙනවා, ගෙට් එකක්, අරකද මේකද, මට  වැඩිය අල්ලන්නේ නෑ..පට්ට සෝශල් ෆන් ගන්නවට වඩා යුනිවර්සිටි ක්ලබ් එකේ හිතාදර සෙට් එකත් එක්ක හොයාගත්ත හොඳ වයින් එකක් බීලා මොනව හරි කාලා, රටේ ලෝකේ දෙයක් ගැන කතා කරලා එන එක හිතට සනීපයක්. ඕහොම  ඉන්න වෙලාවක එතන කෙනෙක් මගෙන් මේ ප්රශ්ණය ඇහුවා."ඇයි ඔයා මෙහෙට ආවේ?" සාමාණ්යයෙන් මම ප්රශ්නේ අහන පුද්ගලයා අනුව ශේප් උත්තරයක් දෙනවා..අදුරන්නේ නැත්නම් ඉතින් කියනවා මෙහෙම "මේක ඉතින් ලස්සන රටනේ, ඉතින් ආවා" වගේ එකක්..නමුත් අහපු විදිහට එහෙම සීනීබෝල උත්තරයක් දෙන්නත් බෑ.. ඇනලිටිකල් එකක් අවුල් විදියට දීලා ඇණගන්නත් බෑ..ඉතින් මම රැල් බුරැල් ඇරලා කථා කරන්න හදන කොටම තව ප්රශ්නයක් ඇඩ් කරා..."ඔයා ආපහු යනවද?" මම එකට මුලින් උත්තර බැන්දා..."යස් යස්...මම මාතර රටේ නේ, රෑට්ස් ආර් බිට් ෆර්ම්, ඉතින් කවදා හරි ලන්කාවට යයි..මොරටුවේ තමයි ඉතින් ලාස්ට් රෙස්ටින් ප්ලෙස් වෙන්නේ.” ඒක ඇහුවම එතන අයගෙත් අදහස ඔය මවුන්ට් වල හරි මහය්යාවේ කනත්තෙ වගේ නිදාගන්න තමයි...අර කතාවක් තියෙනවනේ "මැරෙනවා කියලා දැනගෙන හිටියම ජීවතේ අත්විදින්න ලේසියි කියලා" ට්රැක් පනින්න එපා... ඇයි ආවේ කිව්වනන් පිට පොට යන්නේ නැතුව අහවරයි නේ….

"මම ආවේ සල්ලි වලට ඒ වගේම මගේ එක තැනක ඇදපු ඉරක් තියෙනවා..මට එතනින් එහාට ශත පහක් වත් අවශ්යය නැ..ඒ ටාගට් එකට එනකොට ඒකට සපොර්ට් කරන අනිත් සාධක සම්පාදනය කර ගත්තම මම කන්ටෙන්ඩඩ්.එතකොට මට ඉන්නේ ඕන ලන්කාවෙද, ඇමරිකාවෙද, තූත්තුකුඩියෙද කියලා තෝරාගෑනීමක් කරන්න අවශ්යය නැ ,වැඩක් නෑ..මොකද මම එතකොට රටෙන් දෙන පහසුකම් මත යැපෙන කෙනෙක් නෙමෙයි..එතකොට කොහේ හිටියත් එකයි..ඒක නිසා මට සූදුසූ ලන්කාව නම් ඉන්න ආස ලන්කාව නම් මම ලන්කාවට එනවා….මිනිස්සුන්ට සල්ලි කියන්නේ කොච්චර හම්බකරත් ඇති වෙන දේවල් නෙමේයි, හැබැයි ඉතින් අපි වගේ අමුතු විදියට හිතන අයත් ඉන්නවනේ, මේක ඉකොනොමික් සෙන්ස් එකක් එන්න කාල් මාර්ක්ස්, කේන්ස් දාලා මෙහෙම කියන්න පුලුවන්, මම ලන්කාවෙන් ගියේ සල්ලි හම්බ කරන්න. කාල් මාර්ක්ස් කිව්වනේ "ෆෝ ෆැක්ටර්ස් ඔෆ් ප්රොඩක්ශන්" කියලා භුමිය, ශ්රමය, ප්රාග්ධනය හා වියවසායකත්වය, ඒක කේන්ස් අර්ථ දැක්වුවා දෙකකට, භුමිය හා ශ්රමය පමනක් කොට, කේන්ස්ට අනුව භුමිය හා ශ්රමය ඇතිවිට ප්රාග්ධනය හා වියවසායකත්වය සාධනයකල හැකි නිසා, ඔන්න මම ඕස්ට්රේලියාවට ආපු හෙතුව. ඔයා දන්නවනේ මාතර අපේ ගෙදර සුනාමියට ගියා කියලා, අන්න භුමිය නැති වුනත් මම ශ්රමය උපයෝගි කරගෙන ගොඩනගාගත්තා. මිල දී ගැනීමේ හැකියාව සමතැන (Purchasing power parity) ^{1*  (ක්රය ශක්ති සාම්යය)} හින්දා රුපියලට වඩා ඩොලරය වැඩි නිසා මෙහෙට ආවා. දැන් මම ඔසි ආපු එක ලොජිකලි තෙරුනානේ..     

සල්ලිවලට ආවට අපි ලන්කාවේ නිදහස් අද්යාපණයෙන් ඉගෙන ගත්තු මිනිස්සු, රට යන එකවත් ගැනියෙක් ගන්න එකවත් මිනිහෙක් එක්ක යන එක වත් නෙමෙයි ජීවිතේ කියන්නෙ .ඉපදුණු රටට පවුලට සමාජෙට යමක් කරල මැරෙන එක….අරක නෑ..මේක නෑ..මෙයා දුන්නේ නෑ..අසාධාරණේ කියල අවුරුදු හතලිහක් පනහක් වෙනකන් අඩ අඩ ඉදලා පිට රටවල අනුන් ගේ ටැක්ස් සල්ලිවලින් සෝශල් බෙනිෆිට් ගන්න අයට තියෙන්නේ කොලනි හීනමානය.. ඒ මත උන්ට රට ජාතිය වැඩක් නෑ ඒ දේවල් වල වටිනාකම එන්න තව පරපරා පහක් හයක් යන්න වේවි . මේ හැම රටක්ම දැං ඉන්න පරමාදර්ශී තත්වයට එන්න කලින් කැලැ නීතිය අසාදාරනය, සූරාකෑම (තමුන්ගේම ජනවර්ග හෝ ඒ ඒ රටවල ස්වදේශිකයන් හෝ යටත් විජිත) රජ කරපු කාල වකවානු පසු කර තිබෙනවා. ඒක හරියට ගමේ කසිප්පු මුදලාලි වෙසක් එකට දන්සලක් දුන්නට පව් හෝදන්න බෑ වගේ මේ රටවල “ස්ටොලන් ජෙනරේශන්” කැළැල් මකන්න බෑ.. බෞතික සම්පත් මහා මෙරක් වගේ උන් ඒ සම්පත් දිගටම අනුභව කරන්න ඕනැම දෙයක් ඉතාමත් නින්දිත විදියට පවා දෙවි…නමුත් මට ඒක කරන්න බෑ..

ඒ වගේම තමයි දැන් රට රටවල ඉන්න ඉන්න බහුතරයක් අයට, රටට ලෝකේට දෙන්න දෙයක් නෑ. ඔලුවේ නිර්මාණශීලිත්වයන් නෑ. ඒ නිසා, බයිට් පැකට් පුම්බනවා වගේ වැඩ කරනවා. පැකට් එක කඩලා බැලුවාම, බඩු නෑ. බයිට් පැකට් එකේ අවුල තියෙන්නෙ, බීලා, සිහියක්පතක් නැතුව ඉන්න එකාට නෙවෙයි. බීලා නැති එකාට..ඒ වගේ තමයි මේ රටවල අසාදාරණය පේන්නේ සෝශල් බෙනිෆිට් වලින් කකා ලන්කාවේ ට්රැෆික් ගැන කතාකරන කෙනාට නෙමෙයි..ප්රොෆෙශනලි කැරීයර් ප්රොරෝග්රෙශන් එකකට සුද්දෝ එක්ක ඔට්ටු වෙවී යන කෙනාට... මේ රටේ ආතක් පාතක් නැති අමනයන්ට ද මේ ඇත්ත වටහා දිය යුතුයි. ඒත් මුන්ට ඕස්ට්රේලියන් ස්ටෑටික්ස් බියුරෝ (ABS) එකෙන් ඩේටා, රිසව් බෑන්ක් එකේ රිසර්ච් පේපර්ස් දුන්නත් පිලිගන්නේ නෑ..ඕස්ට්රේලියාවේ කරන්න තියෙන සේරම ජඩකම් කරමින් පස්පව් සෙන්ටර් වෙලා ඉන්න ගමන් ලන්කාවත් රටේ උනුත් හෙළාදකින අසංස්කෘතික සත්වයන්ට මේ සරල ඇත්තතේරෑම් ගන්නත් බෑ, ගන්නෙත් නෑ..

හෑබෑයි ඔය හැම දෙයක්ම හරියට බැලන්ස් කරලා තමන්ගේ රටට, සමාජේට, ඉගෙනගත් පාසලට උදව්කරන, ඔසියො වගේම ලන්කාවේ මිනිස්සුත් ගෞරව කරන, පරමාදර්ශී චරිතත් නැතුව නෙමෙයි..ඒ අය රගන්නේ නෑ……බයිලා නෑ……කියන දේ කරලා පෙන්නන……යථාවාදී..ථථාකාරී..චරිත…යහපත් පවුල් ජීවිත ගත කරන සමාජයට වැඩදායී සුන්දර මිනිස්සු…..ලංකාවේ ඉගෙනගත් පාසලට වගේම මිනිස්සුන්ටත් උදව් කරන ඉගෝ එකක් මේන්ටේන් කරන්නේ නැති අපේ දේව් අයියා (Devapriya) වගේ අය ඔය පින්තූර වල ඉන්න ජනක අයියා..(Janaka), ආමි එකෙත් වැඩ පෙන්නලා ලංකාවේ මිනිස්සුන්ට ගෙවල් හදලා දීලා උදව් කරලා ආතල් එකත් උපරිමෙන් ගන්න අය හැබැයි භාශණයේ නිදහස අයුතු ලෙස තමන්ගේ මමත්වය ගොඩනගාගන්නවත්..බොරැවට පොරවෙන්නවත් ලියන අය නෙමෙයි.. හැබැයි එහෙම අය ඉන්නේ බොහොම පොඩි ප්රමානයක් බහුතරය හාල් කෑළී..උන්ට ලන්කාවට යන්නත් බෑ..මෙහේ හදා ගත්ත දේකුත් නෑ....හැබැයි බොරැ රගපැම නම් තියෙනවා ඔස්කාර් අවොර්ඩ්ස් දෙන්න වටින තරමට..

ඔය ස්ටැග්නේශන් එක වයිට් කොලර්, බ්ලූ කොලර් හෑම රැකියාවකටම අදාලයි..ලන්කාවේ ප්රොෆෙශනල් කැරියර් එකක් තිබුන, අප්වර්ඩ් මොබිලයිසේශන් එකක් තිබුන.., ලස්සන පවුල් ජීවිත තිබුන හුගක් අය යන්නේ කොහේද? අරමුණ මොකක්ද? කියලා තේරැම් ගන්නේ නැතුව පර්මනන්ට්ලි මෙහෙට ඇවිත් කෙලව ගත්තා..බෑම්බු සීලීම නිසා කොච්චර පී එච් ඩී, කොලිෆිකේශන් තිබුනත් ඉහලම තැන්වලට යන්න බැරිවුනා.ළමයි අයාලේ ගියා..මොකද උන්ට තමන්ගේ සන්ස්කෘතිය, අක් මූල් දන්නේ නැති, දුන්නේ නැති නිසා...උන් දැන් ලන්කාවටත් නැති ඕස්ට්රේලියාවටත් නැති ගන්ධබ්බ ඩයල්... ලොකු උන්ටත් වෙලා තියෙන්නේ මොන කැපිල්ල තිබුනත්, චාටර් වෙලා හිටියත් කට්ට කාගෙන මෙහෙට වෙලා ඉන්න...ලන්කාවට එන්න බැ. මොකද ඒ කාලේ එකට හිටපු අය ඉහළම තැන්වල…ආපහු ඇවිත් මොන ලබු ගෙඩියක් කරන්නද? නාකිවුනාම තැනක් ගන්න ඕන්න සින්හල මතක් වෙනවා..කවි ලියනවා, (මේක රටට සමාජයට යමක් දෙන්න ලියන අය ගැන නෙවෙයි..බොරැ මතවාද සමාජගත කරලා පොර වෙන්න හදන මන්දඩයල් ගැන කිව්වේ) බුද්ධාගමට කෙලිනවා..මේ සේරම ආගම් එකයි, බහු සන්ස්කෘතික ජාතිකත්වයක් හොදයි කියලා එයාලට ඉහලට එන්න නොදීපූ  සුද්දොන්ගේ ගුණ වයනවා.. බහු සන්ස්කෘතික ජාතිකත්වයක් හොදයි, හැමෝටම සමතෑන කිව්වට ඔය ඇකඩමිකලි, පොලිටිකලි එහෙමත් නැත්නම් පබ්ලික් සෙක්ටර් එකේ ස්ට්රැටජික් පොසිශන්ස් වල ඉන්න සුද්දෝ නොවන අය බැලුවම පර්ස්න්ටේජ් වයිස් හරිම අඩූ ප්රතිශතයක්, ඒ පේපර් කොලිෆිකේශන් අඩු නිසා වත්, එක්ස්පීරියන්ස් අඩු නිසාවත් නෙවෙයි..… ඇයි අපි කළු හින්දද?? ඔව් නේ...කළුයිනේ...කළු නෑ..තළ එළළුයි..ඒත් අවුල් මල්ලී…

අනික දැන් මෙහේ ඉන්න ප්රොෆෙශනල් නොවන එවුන්ට ලන්කාවට ඇවිල්ලා ස්ටෙටස් මේන්ටෙන් කරන්න බෑ...ඔසී එවුන්ගේ කුණු අදින්න..ඒජ්කෙයා වල නාකි සුද්දන්ගේ xගැxx අදිනවා ඈරෙන්න වෙන දෙයක් දන්නෙත් නෑ.. මෙවන් මන්දමානසික තත්වයෙන් පෙළෙන ජාතියක් ජන්මයක්, අක්මුල් නැති එවුන් එක්ක සමාජීය සන්වාද කරන්න බෑ. ප්රොෆෙශනල් කැරියර් දාලා..සමාජ සම්බන්ධතා...යුතුකම්, වගකීම් වගේම අපේ කම අතැරලා සල්ලි වලට විතරක්, අරමුණක් නැතුව පර්මනන්ට්ලි රටයන එක ඇත්තටම නුවනින් බලන්නන්ට විහිලුවක් පමණයි. ප්රයිවසි ලෝ නිසා සුද්දොන්ට විරැද්ධව වැඩ කරන්නත් බෑ.. ඩෙෆමේශන් ලෝ නිසා මෙහේ කැරියර් වයිස් ස්ටැග්නේට් වෙන අයව පබ්ලික් ෆෝරම් වල දාන්නත් බෑ..ඒක නිසා මිනිස්සු හිතන්නේ මේක තව්තිසාව කියලා.. ඒක නිසා ඕස්ට්රේලියාවේ, කැනඩාවේ, එංගලන්තයේ කොහේ හිටියත් හැම මිනිහම කියන හැම එකම එකපාර පිලිගන්න එපා..තමන්ගේ ජාතියට, ආගමට, ඉපදුන රටට කිසි දෙයක් නොකර බොරැ දර්ශණ දාන අයගේ දිහා ලොන්ජිටියුඩනල් සර්වේ එකක් කරන්න..ඒ කියන්නේ කාළයක් බලාගෙන ඉන්න..එතකොට තේරෙනවා මුලින් ලොකු රැඩිකල් දර්ශණ දැම්මට අඩුගානේ තමන්ගේ පවුලවත් හරියට හදාගෙන නැ කියලා...ඉතින් වදුරන්ගේන් බණ අහලා ජේතවණාරාමයට ගල් ගහන්න එපා..

ඔන්න ඕක හින්දා මම නම් ආපහු ලන්කාවට යන්වා...මම මෙහෙට එන්නත් හේතුවක් තියෙනවා..ඒක සුනාමිය..යන්නත් හේතුවක් තියෙනවා ඒ මගේ රටට ණය නැතුව මැරිලා මගේ කටු ටිකවත් ලන්කාවේ පොලොවට පොහොර කරන්න…"දිස් ඉස් මයි ටූ සෙන්ට්ස් ඔපීනියන් එක.. මෙහෙට ආව එකටත් ආපහු යන එකටත්” මිනිස්සු ඒක තේරුම් ගත්තත්, නැතිවුනත්, බැන්නත් මට අදාළ නෑ.මොකද හර්දසාක්ශියට එකගව රටට, සමාජයට, පවුලට යමක් කරලා මට නිදහසේ මැරෙන්න පුලුවන්නම් අවශ්යය ඒක විතරයි..

මෙහෙම කතා කරලා නැගිටලා එනකොටම තවත් ලන්කාවේ ඉදල ආපු ජෝඩුවක් හම්බවුනා..ලන්කාවේ කොහෙද? මෙහේ කොහෙද ඉන්නේ? ආදී වශයෙන් ප්රස්ණ අහලා..අන්තිමට මෙහෙම්ත් ඇහුවා.."ඇයි ඔයා මෙහෙට ආවේ?" “ලන්කාවට වඩා ලස්සනයි නේ..ආසාවට ආවා”..එහෙම කියපු මගේ දිහා මගේ අනිත් යාලුවෝ බලලා හිනා වුනා.."ආපහු යනවද?" ඒ ජෝඩුව ආපහු ඈහුවා.."ටිකට් ප්රයිසස් අනුව තමයි" කියපු මම හෙමිහිට මාරැවුනා..

 © පසන්, පර්ත්. අප්රේල් 30, 2017.

^{1*  (ක්රය ශක්ති සාම්යය)}

පින්තූර අවසර ඇතුව ගත්තේ ජනක අයියා ගේ වත්පොතෙන් හා  අන්තර්ජාලයෙනි…