ඕස්ට්රේලියාවේ ගිනියම සහ ඇවිලීම්...

ප්රියානි ජයසිංහ මහත්මිය ගේ ජනප්රිය ගීතයක් කට සවන්දෙමින් වත්පොතේ ජේමිස් බණ්ඩාගේත් ජනක විකාර ගේ පෝස්ට් කිහිපයකුත් ඒවාට උපුල් හේවා, හිරන්ත හේරත් ඇතුළු තවත් කිහිපදෙනෙක්ගේ ගේ කමෙන්ට්ස්නුත් බලමින් දුම්රියෙන් එන අතර තුර මගේ ඉපදුන රටට සහ දැන් ඉන්න රටට වෙන සහ කිරීමට බලාපොරොත්තුවෙන යුතුකම්, වගකීම්, වගවීම් අතර හිත දෝළණය වෙමින් ලියූ ලියමනක්.

ප්රියානි ජයසිංහ මහත්මිය 2018 වසරේදී සිය සැමියාගේ පහරදීමකින් මියයනවා. මේ හා සමානව සිදුවීමක් 2013 වසරේදී ඕස්ට්රේලියාවේ සිදුවුනා එහිදී සිය බිරිඳට මිටියකින් පහරදීමෙන් මරණයට පත්කිරීම නිසා ශ්රී ලාංකික කතිකාචාර්යයවරයෙක් වරදකරැබවට පත්වුනා¹. නැවතත් 2016 වසරේදී ශ්රී ලාංකික වෛද්යවරියක් සිය සැමියාට මිටියකින් පහරදී මරණයට පත්කිරීමේ හේතුවෙන් වරදකාරිය බවට පත්වුනා². මේ අවුරැද්දේ පෙබරවාරි මාසයේ තවත් ලාංකික කාන්තාවක් සිය විවාහක ස්වාමියාගේ පහරදීමකින් අවාසනාවන්ත ලෙස මියගියා³. (සියළු විස්තර අවසන සමුද්දේශයේ දක්වා ඇත.) අවාසනාවකට පර්ත් නගරයේ කේන්ද්රිය වූ මෙම මනුශ්ය ඝාතනයන් සියල්ල සිදුවුයේ වින්දිතයන්ගේ සමීපතමයන් අතින් වීමත් ඔවුන් ඉහල අධ්යාපණක් ලද සාමාජිය වශයෙන් ඉහල තත්වයක සිටි පුද්ගලයන් වීමත් කණගාටුවට කරැණක්. තත්වය මෙසේ වීමට හේතු සාමාජීය සහ ආර්ථික තත්වයන් විශ්ලේශණයෙන් දැක්වීමට බොහෝ වියතුන්, ආගමික නායකයන් සහ සාංක්රමනික ප්රජාව උත්සාහකලද එයට නිශ්චිතවූ හේතු පැහැදිලිව නිර්වචනය කොට  දැක්වීමට ඔවුන්ට හැකියාවක් ලැබුනේ නෑ.

ඕස්ට්රේලියාව කාන්තා හිංසනයෙන් ඉදිරියෙන්ම සිටින කාන්තා හා ළමා අයිතිවාසිකම් තුට්ටුවකට මායිම් නොකරන රටක්. 

ඕස්ට්රේලියානු මානව හිමිකම් කොමිසම් වාර්තා අනුව 85% කාන්තාවන් රැකියා ස්ථානයේදී ලිංගික අතවරයන්ට ලක්වී තියෙනවා. (AHRC,2018)⁴  (https://www.humanrights.gov.au/sites/default/files/document/publication/AHRC_WORKPLACE_SH_2018.pdf)

ඕස්ට්රේලියානු සනීපාරක්ශණය හා සුභසාධන ආයතන දත්තවලට අනුව සෑම ගැහැණුන් පස් දෙනෙක් ගෙන එක අයෙකුත් (1.7 මිලියන ) සහ සෑම පිරිමින් විසිදෙනෙකුගෙන් එක අයෙකුත් ලිංගික වශයෙන් අවුරැදු පහලොවේ සිටම අපයෝජනයට පත්වී ඇත. (Australian Institute of Health & Welfare)⁵  (https://www.aihw.gov.au/getmedia/d1a8d479-a39a-48c1-bbe2-4b27c7a321e0/aihw-fdv-02.pdf.aspx?inline=true) මේ නයින් බලන කල තුන්වන ලෝකයේ බොහෝ රටවල් කාන්තා අයිතිවාසිකම් හා සුභසාධනය යන අංශ ඔස්සේ දියුණු ඕස්ට්රේලියාවට වඩා බොහෝ ඉදිරියෙනි.

ඕස්ට්රේලියානු සනීපාරක්ශණය හා සුභසාධන ආයතන දත්තවලට අනුව 72,000 ක් ගැහැණුන් ගෘහස්ත හින්සනය නිසා නිවාස නැතැයි රජයෙන් හදිසි රක්ෂාස්ථාන අයදුම් කොට ඇත. මෙයට අමතරව 34,000 (තිස් හතර දහසක්) ළමුන්ද නිවාස නැතිවීම හේතුකොටගෙන අසරණව සිටී. මේ නිසා ඕස්ට්රේලියානු රජයට රජයට දැරීමට වන්නාවූ පාඩුව බිලියන විසිදෙකක් (22 Billion) බවට ක්ල්යින්වෙල්ඩ් පීට් මාර්වික් ගාල්ඩ්ලර් (KPMG) ආයතනය ගනන් බලා ඇත⁵. (Australian Institute of Health & Welfare)

ඉහත දැක්වූ 72,000 ට ඇබෝරිජිනල් / ආදිවාසී සහ ටොරස් සමුද්ර සන්ධිය  සම්භවයෙන් යුතු ගැහැණුන්,  ගර්භණී ගැහැණුන් සහ මානසික ව්යාධීන්ගෙන් සහ ආබාධිකත්වය යෙන් යුතු ගැහැණුන් අයත් නොවේ. එම කණ්ඩායම් සියල්ලම එකතුවූ කල ඕනැම දිනක ඕස්ට්රේලියාවේ 116,427 ක් හදිසි රක්ෂාස්ථාන තුල, සිය වාහනය තුල,  හෝ පාළමක් යට, ගුබ්බැයෑමක හෝ මහපාරේ නිදාගන්නවා ඇත⁶. (ABS (2018) Census of Population and Housing: Estimating homelessness, 2016). 

15,872 වූ සංඛ්යාත්මකව ඕස්ට්රේලියානු රජය පෙන්වා දෙන අවුරැදු 12ට අඩු නිවාස අහිමි ළමුන්ය. (AIHW (2018) Specialist homelessness services 2016-17).

     ප්රාන්ත අනුව ගත්විට මේය තවත් වැඩිඅගයක් පහත සටහනින් පෙන්වා දෙනවා.

NSW 37,715 (50.4 people per 10,000) +37% since 2011

VIC 24,817 (41.9 people per 10,000) +11% since 2011

QLD 21,671 (46.1 people per 10,000) +14% since 2011

SA 6,224 (37.1 people per 10,000) +7% since 2011

WA 9,005 (36.4 people per 10,000) -2% since 2011

TAS 1,622 (31.8 people per 10,000) +6% since 2011

NT 13,717 (599.4 people per 10,000) +11% since 2011

ACT 1,596 (40.2 people per 10,000) -8% since 2011

ඉහත සියළුම දත්තයන් ඕස්ට්රේලියානු  සංඛ්යාලේඛණ දෙපාර්තමේන්තුව , ඇන්ග්ලි කෙයා, මිශන් ඕස්ට්රේලියා, ගලවාගැනීමේ හමුදාව (Salvation Army) සහ ක්රයිසිස් ඇකමඩේශන් සර්විසස්, රතු කුරැස සංවිදානය (Red Cross Society) ලබාදුන් දත්ත වලට අනුව පමණක් වන අතර ලබැඳීන් හා ජීවත්වෙන්නවුන් මේ දත්ත මගින් පෙන්වා දී නොමැත. එනම් සිය මිතුරන්ගේ, නෑදැයන්ගේ නිවාස වල තාවකාලිකව දින දෙක තුන ගතකරමින් අහිකුණ්ඨික ජීවිත ගතකරන්නවුන් මේ සංඛ්ය්යාලේඛණයන්ට අයත් නොවන අතර සංඛ්යාත්මකව මේ සියළුම අගයන් ඉහළයන බවත් නියැදීන්ට අනුගත නොවන්නාවු බොහෝ සාධක ඇතිබවත් වෘත්තියවේදීන් දක්වා ඇත. 

මේ සඳහා බොහෝ ආධාර ලබාදී පර්යේශණයන් කිරීමට සහාය දක්වන්නේ පහත දක්වා ඇති ආයතනයන් මගින්.

ඕස්ට්රේලියානු කාන්තාවන් උදෙසා වූ ජාතික පර්යේශන ආයතනය - (Australia’s National Research Organisation for Women’s Safety )

ඕස්ට්රේලියානු  සංඛ්යාලේඛණ දෙපාර්තමේන්තුව - (Australian Bureau of Statistics)

ඕස්ට්රේලියානු අගනගර අධිකරණ හා ප්රජා විශෝධක කාර්යාංශය - (Australian Capital Territory Justice and Community Safety Directorate)

ඕස්ට්රේලියානු  අපරාධ වේද විද්යාස්ථානය - (Australian Institute of Criminology)

ඕස්ට්රේලියානු කුටුම්භ අධ්යයන විද්යායතනය -(Australian Institute of Family Studies)

ඕස්ට්රේලියානු  සමාජ විද්යා දෙපාර්තමේන්තුව - (Department of Social Services)

ඕස්ට්රේලියානු  අගමැති කාර්යාංශය සහ කැබිනට් මණ්ඩලය - (Department of the Prime Minister and Cabinet)

සහ ජී-අට කණ්ඩායමේ සියළුම විශ්ව විද්යාලයන්හි විශේශිත පර්යේශණ කණ්ඩායම් හා චින්තන පර්ශදයන්ගේ එක්ලස් කොට ගන්නා ලද්දාවූ පරීක්ශණ, නිරීක්ශණ හා නිගමනයන්ට අනුයාතව

ජී-අට කණ්ඩායමේ විශ්ව විද්යාල,

i. ඕස්ට්රේලියානු ජාතික විශ්ව විද්යාලය (ANU)

ii.මෙල්බර්න් විශ්ව විද්යාලය

iii.සිඩ්නි විශ්ව විද්යාලය

iv. ක්වීන්ස්ලන්ත විශ්ව විද්යාලය

v. මොනෑෂ් විශ්ව විද්යාලය

vi. නිව් සවුත් වේල්ස් විශ්ව විද්යාලය

vii. බටහිර ඕස්ට්රේලියාවේ විශ්ව විද්යාලය (UWA)

viii. ඇඩිලේඩ් විශ්ව විද්යාලය.

ඇත්ත වශයෙන්ම, ඕස්ට්රේලියාව ගැන පුළුල් අධ්යයනයක් කලොත් තේරැම් ගන්න පුළුවන් මේහි තිබෙන්නාවු සම්පත් බෙදීයාමේ විශමතාවය. ඒ අනුව ඇති වී තිබෙන්නාවූ සාමාජීය ගැටළු. සමාජයේ මූලික තැනුම් ඒකකය වන පවුල සහ එහි බිඳ වැටීම නිසා ඇතිවී තිබෙන්නාවු ව්යාකූල තත්වයන්. ඒ නයින් බලනකල ලංකාවේ සිට යහපත් අනාගතයක් බලාපොරොත්තුවෙන් පැමිණ සිය අපේකශාවන් සහ ළමුන් උදෙසා වූ ප්රාර්තනා බිඳ වැටුනු මිනිසාට සිය අන්න්යතාවය, ආත්ම ගරැත්වය රැකගැනීමට ලංකාව දෙසට යොමුවීමත්, ඔසියන්ගෙන් නොලැබෙන්නාවු ගෞරවය උදෙසා සිය රටේ ප්රජාව දෙසටම යොමුවිමත් විමතියට කරැනක් නොවේ.

මේ සියල්ලත් එක්කම රස විඳින්න ප්රියානි ජයසිංහ මහත්මිය ගේ ජනප්රිය ගීතයක් තමයි පහත දක්වා තියෙන්නේ..

කඳුල නිවන්නම්

නෙත නොතෙමනවා නම්

තනියට ඉන්නම්

තනි නොකරනවා නම්

මතකයෙ ඉන්නම්

අමතක නොම වේ නම්

සෙනෙහෙ පුදන්නම්

හිත නොරිදනවා නම්

මල් පූදින්නේ දෑඟිලි අතරේ 

තැලී පෙලී මියැදෙන්න නොවේ 

සෙනෙහේ පුදන්නේ සෙනෙහෙ ලබන්නයි 

හිත රිදවා හඬවන්න නොවේ 

සඳ පායන්නේ හිරු නැති ලෝකේ

ඝනඳුර දුරු කරවාලන්නයි 

සෙනෙහේ පුදන්නේ අඳුරේ තනි වූ 

හිතකට එළියක් ලැබ දෙන්නයි 

කඳුල නිවන්නම්

නෙත නොතෙමනවා නම්

තනියට ඉන්නම්

තනි නොකරනවා නම්

මතකයෙ ඉන්නම්

අමතක නොම වේ නම්

සෙනෙහෙ පුදන්නම්

හිත නොරිදනවා නම්

සෙනෙහෙ පුදන්නම්

හිත නොරිදනවා නම්

ගායනය - ප්රියානි ජයසිංහ

ගී පද රචනය හා සංගීත නාද රටා - අශෝක කෝවිලගේ

අන්තිමටම කියන්න තියෙන්නේ එකයි. ඕස්ට්රේලියාව ඔය කියන තරම් ආතල් නෑ. පොෆෙශනල්ස් ලට නම් කොහොමත් නෑ. මහිරංගගේ වත් පොතේ බැලුවම අනිත් අයටත් නෑ කියලා තේරෙයි. මේකට ඉතින් සොලුශන් එකක්/ විසඳුමක් මටත් නෑ කියලා තමයි කියන්න වෙන්නේ. සල්ලි හොයාගන්න ආවනන් ඒක කරලා ඉතුරැ කරගෙන තමන්ගේ රටට ගිහින් තමන්ට අවශ්යය, කැමති ආකාරයකට සැපවිඳින්න. මේ දවස් වල ඕස්ට්රේලියාවම ගිනි ගන්නවා අ/ග/කැ/මැති ස්කොට් මොරිසන් පවුල එක්ක හවායි. ඔන්න ආදර්ශයට ගන්නවා නම් අය. මේක මම රිසච් එකකට කරපු එකක් කම්මැලිකමට සිංහලෙන් ලිව්වා. වෙලාතිබුනොත් මේක කම්ප්ලිට් කරන්නම්, ඔය ඔසී එන්න හදන අයට පෙන්නන්න. එතකන් ඔබ සැමට සැප, සතුට හා ජය සපිරි සුභ නත්තලක් හා වාසනාවන්ත නව වසරක් වේවා.

© පසන්...2019

පින්තූර අන්තර්ජාලයෙන්..

~~~ ඉඳහිට කරන පිං ~~

සුබ්බුරාජ්ගේ ජිගර්තණ්ඩා..

බලලා නෑ..නරඹලා...

ජැරඩ් හට සුභපතා..

හොඳ වයින් දෙකක් ගෙන..

දුන්නා පාරේ නිදා සිටි පච්ච ඩීනා හට...

හෙට බොන්න..

රැළි ටිකක් වැටුනාට..

පාරේ බුදියැව්වාට...

ස්වින්ගින් සික්ස්ටීස් වල..

ඩීනා ලත් අයිකොනික් ලු..

ඒ කාලේ හැපනින්..තාමත් එයිටීන්..

පැම්පර්ස් සික්ස්ටීන්..ඇතුළ නම් හිස් ටින්..

ගන්ධබ්බ ජීවිත..

ඇතුලේ කිසි දෙයක් නැති..

අන්තිමේ තියෙන්නේ රැළිවැටුනු පච්චේ විතරමයි... 

© පසන්..2019 

~~~~~~~~~~~ පිරිමි ❤️ හදවත ~~~~~

පැරණි නටඹුන් අතීතෙක හීතලෙන්  දැදුරැ වුනු…

ලොවක් සනහන ස්නේහ සිත් ඇත..

තැනින් තැන හිඳ නතර වී ගිය..

සිතැඟි අහුලන අහඹු මොහොතක…

පිපුණු මල් වල පිණින් දිදුලන…

සිහින් සරකින් බැඳුනු ලියමන නිවාලයි හද පිරැණු සරතැස…

නුහුරැ දුරැරට සීත කළු මැද… 

රුවක් නොපෙනී ක්ෂිතිජ ඉම මත…

පිපුනු හදමැද ස්නේහයේ සුව ආදරේදැයි නොමදනී සිත…

අහිමිවීමත් විඳීමක් වුන..

නිවීමක් අග යලිත් ඇවිළුන..

අනන්තය වෙත පතල විසිරැම…

ඔබට දැනිනුද පිරිමි ❤️ හදවත...

© පසන්.  24/10/19.

පින්තූර අන්තර්ජාලයෙනි.

යථාර්තය, සත්යය සහ මායාව..

යුරෝපීය සුදු හම ත්රස්තවාදීන් නැත, ඇත්තේ කළු ත්රස්තයන් පමණි. 2019 වසරේ මාර්තු 15 දින, විසිඅට හැවිරිදි ඕස්ට්රේලියානු ජාතික බ්රෙන්ටන් හැරිසන් ටැරන්ට් නවසීලන්තයේ රිකාටන් හි "අල්-නූර් මුස්ලිම් දේවස්ථානයේ" සහ "ලින්වූඩ් ඉස්ලාම් මූලස්තානයේ" සිකුරාදා දින දේව මෙහෙයට පැමිනෙමින් සිටි මුස්ලිම් ජාතිකයින් 51 දෙනෙක් මරාදැමුවේය. මුලු මහත් ලෝකයක් පිළිකුලෙන් යුතුව නැරඹූ මෙම සමුළ ඝාතනය ෆේස් බුක් ඔස්සේ සජීවීව බෙදාහැරි ටැරන්ට් ගේ අරමුණ වූයේ බටහිර රටවල මුස්ලිම් ජනතාවට සුදූ ජාතිකයන්ගේ ශ්රේෂ්ඨත්වය විදහා පෑම සඳහා බව ඔහු පසුව දන්වා සිටියේය. මෙම ඝාතනයන්ට ප්රථම ටැරන්ට් විසින් රචිත පිටු 74 කින් සමන්විත "ග්රේට් රිප්ලේස්මන්ට්" ප්රකාශණයේ අරමුණු ලෙස සුදු ජාතිකයන්ගේ අධිපතීත්වය තහවුරැ කිරීමත් සාංක්රමණික එදිරි ප්රතිපත්තියක් ඇතිකිරීමත් දැක්වූ අතර නාසීන්ගේ කාළවර්ණ සූර්යයා සහ ඕඩින්ගේ කුරුසය සංකේත ලෙස දක්වා තිබිනි.

උත්ප්රාසයට කරැණ වන්නේ නවසීලන්ත අගමැති ජසින්ඩා ආර්ඩන් මෙම ඝාතනයන් හෙලාදුටුවද ඝාතන නඩුව ගොණුකෙරැවේ එක් ඝාතනයක් සඳහාත්, නවසීලන්ත ත්රස්ත මර්ධණ පණතින් පරිබාහිරව වීමත්ය. පසුව එය වෙනස් වුනද සුදු ජාතිකයන් ත්රස්තවාදීන් නොවන බවට ඇති පූර්ව නිගමණය මේ මගින්ද සනාථ වේ.

ත්රස්තවාදයේ ප්රාරම්භක අවස්ථාව ලෙස මහජනතාවට එරෙහි රජයේ ක්රියාවන් හඳුන්වා දී ඇත්තේ ප්රංශ විප්ලවයෙන් පසු 1789 වසරේදීය. ඉන්පසුව 19 වන සියවසේ ත්රස්තවාදය ලෙස යොදාගත්තේ දේශපාලනික වූ ඝාතනයන් දැක්වීමට වූවත් 1960 වර්ශයෙන් පසුව වගවිභාගයක් නැතිව සිදුවූ කැරළිකරැවන්ගේ ඝාතනයන් ත්රස්ත ක්රියාලෙස හුවා දැක්වීම විය. ත්රස්තවාදය ගැන රටවල් අතරද ජාත්යන්තර නීතියේද ඒකවාචක හැඳින්වීමක් නැත. එයට සාධාරණ හේතුව වන්නේද ත්රස්තවාදය යන වචනය සහ මූලිකවූ ප්රභවය සම්බන්දයෙන් තිබෙන්නාවූ පරස්පර මතයන් හා විග්රහයන්ය. ඒ අනුව එක රටක නිදහස වෙනුවෙන් සටන්වදින්නෙකු තවත් රටකට ත්රස්තවාදියෙක් ලෙස පෙනීයනු ඇති බැවිනි. එමෙන්ම ත්රස්තවාදය තුල රට වැසියා සහ රාජ්යයන් ඇතුලත් වීමද, ත්රස්තවාදයේ දේශපාළණ භූමිකාවද, ත්රස්තවාදයට ඉලක්කවන්නාවූ සාමාණ්යය ජනයා සහ පීඩාවේ තක්සේරැව සම්බන්ධයෙන්ද මූලික නිර්නායකයන් සහ ඒ පිලිබඳ එකඟතාවයන් රටවල් අතර ඇතිවී නැත. 

නවසීලන්තය සහ ඕස්ට්රේලියාව සිය ත්රස්ත මර්ධණ පනත් නියාමණය කෙරැවේ එංගලන්තෙයේ ත්රස්තපණත් අච්චුවට ප්රාකාරවය ඒ අනුව එහි මූලයන් ඇත්තේද 1970 බෙල්ෆාස්ට් නගරය කේන්ද්රගතකරගෙන වීම බැව් අප තේරැම් ගතයුතුය. එකළ මූළ පරමාර්ථය වූයේ අයර්ලන්ත දේශසීමා ගැටලුව දේශපාළණ ගැටළුවකින් තොරව ස්ථායී කිරීමයි ඒ සඳහා සාම්ප්රදායික නීති ප්රවේශයක අවශ්යයතාවය ඉස්මතු විය. මේ අතරට අයර්ලන්ත  ත්රස්තයන් සඳහා අභිචෝදනා කරන ලද්දේ ත්රස්තවාදය සාමාණ්ය මනුෂ්ය ඝාතන සහ චෝදනා යටතේ වීමයි. තැචර්ගේ ආණ්ඩුවේ උපාය වූයේ ආයුධ සන්නද්ධ අයිරිශ් සටන්කරැවන්ගේ නීත්යානුකූලත්වයත්, සුජාතභාවයත් ක්රමයෙන් නැතිකර හැරීමටත්, යුධ සිරකරැවන් ලෙස අයිරිශ් ජාතිකයන්ගේ නීතිමය ස්තාවරයක් අහිමිකිරීමත්ය. මෙහිදී හේග් සම්මුතීන්, ජිනීවා සම්මුතීන් සහ ජාත්යන්තර රතු කුරැස සංවිධානයේ නිර්නායකයන් අවලංගු කිරීමට වේදිකාවක් ලෙසටත් එකළ එංගලන්ත් ආණ්ඩුව මේ අවස්ථාව යොදාගත්තේය.

උතුරැ අයර්ලන්තයට සාමකාමී කාළයක් උදාවූ 1995 වසරේදී බර්වික් හි ආදිපාද ලොයිඩ් විසින් බ්රිතාන්යය පාර්ලිමේන්තුවට යෝජනා කරනු ලැබුවේ ත්රස්තවාදය සඳහා අභිප්රේරණය වන්නාවු හේතු ලෙස දේශපාළනික, සාමාජීය සහ දෘශ්ඨිවාදාත්මක පෙළඹවීම් ඇති බවත් ඒ අනුව නීති රෙකුලාසි සම්පාදනය විය යුතු බවත්ය. බ්රිතාන්යය පාර්ලිමේන්තුව මේ යෝජනා පිලිගත්මුත් සාමාජීය හේතු වෙනුවට ආගමික හේතු ඇතිබව පෙන්වා දෙමින් ඒය ඇතුලත් කලේය.

මේ අර්ථයෙන් බලන කල මෙල්බර්න් නගරය භීතියට පත්කල "ගාගසූලස් ගේ ක්රියා" ත්රස්තක්රියාවන් නොවේ. නමුත් මොහම්මඩ් කාලිෆ් ගේ ක්රියා ත්රස්තක්රියාවකි. ෆර්හාඩ් ජර්බොර් ගේ ක්රියා ත්රස්තක්රියාවකි. ඒනයින් බලන කල බ්රෙන්ටන් ටැරන්ට් ගේ මිනිස් ඝාතනයන්ද ත්රස්තක්රියා ගනයට ඇතුලත් වේ. ඕස්ට්රේලියානු සහ නව සීලන්ත නීතියේ ත්රස්තක්රියා කිරීමට පෙර නැවැත්වීම සඳහා නීති බලාත්මක වී තිබුනද බොහෝ විට ත්රස්ත ක්රියා සිදුවීමෙන් පසුව මාධ්යය හරහා විශාල භීතියක් මහජනයා තුල ජනිත කොට එම සිද්ධිය යටපත් කරනු විනා මනා විමර්ශනයක් හේතු සෙවීමක් කොට වැරදිකරැවන්ට දඬුවම් කිරීමක් නොකරයි. ලංකාව වැනි රටක ත්රස්තයන්ගේ අයිතිවාසිකම් ගැන කතාකරන මේ රටවල් තම රටේ නීති පද්ධතියේ විශේශිත විධිවිදාන යොදා මිනිසුන් යදමින් බැඳ මානව හිමිකම් උල්ලංඝනය කරමින් ක්රියා කරයි.

මාධ්යය මගින්ද සුදු ජාතිකයන්හට දිව්යමය කරැණාවක් ආරෝපණය කිරීමට යත්නදරන අතර අනේක් සියළුම ජාතින් ප්රචන්ඩ්ත්වය ඩී.එන්.ඒ ප්රතිවලිතයේ දරාගෙන රැගෙන එනු ලබයි. ඉහත ඡායාරෑපයේද පැහැදිලිව දක්වා ඇත්තේද මේ සංසිද්ධියම වේ.

ලංකාවේද දැන් දැන් දේශපාළණික ප්රොපගැන්ඩාව හමුදාව, විනය, කොමිස්, බැංකු කැඩීම්, නපුන්සකයන්ගේ දඩාවතේ යෑම් සහ සල්ලාලයන්ගේ අල්ජ්ජී ක්රියා අතර දෝලණය වෙමින් ව්යාකූලත්වයේ කල්පිතයන්ගේ ආකර්ශණයන්, විකර්ශනයන් අතර ඉපිලෙනු දැකගත හැකිය. සුදුහම ත්රස්තවාදීන් සෙවනැලි අතර සිට මරණයේ භිතිය ගෙන එන්නාසේම මාධ්යසඟයෝද අකුරැ අතර සැඟවී නීතියේ දෙවඟනගේ සළුපිලිද, සත්යයේ කඩතුරාවද ඉරාදමන බව පැහැදිලි වනවිට නැවතත් හංසයාගේ ප්රෝඩාවට සිංහල ජාතිය ගොදුරැවී ඇතිබව පසක් වනවා නොඅනුමානය. මරේ ඩාලින් බේසිනයේ දූශණ, කංසා නීතිගතකිරීම්, ඉයුතනේශියා, යුධ අපරාධ, නීතියේ අවභාවිතය, පොලීසියේ කෲරත්වය, වර්ණභේදවාදය සහ දහසක් සැඟවුනු ගැටළු අතරේ දෝළණය වන ඕස්ට්රේලියානු දේශපාළණය කිසි විටෙක සුදු හමැතියෙකුගේ වරදක් ඇබෝ එකෙකුගේ නිවරදිභාවය උදෙසා හිලව් කලේ නැත. සුද්දාගේ අවකල් ක්රියා සියල්ල කල්ලාගේ මරණයෙන් වැසී ගියේය. අපි තවමත් සුද්දාගේ අපුල නීතියෙන් යුක්තියා හා සාධාරණත්වය හඹායන්නේ මිරිගුවක් පසුපස යන මෝඩ මුව රෑනක් සේය. පක්ශ දේශපාළණයෙන් තොර ජාතිකත්වයක් උදෙසා සිහළුන් එක්වන්නේ කවදාද???

© පසන්, පර්ත්, 2019.

පින්තූර අන්තර්ජාලයෙනි.

~~~ "සොනට් 129” ~~~

~~~ "සොනට් 129”  ~~~

ඉංග්රිසි සාහිත්යය වංශකතාවේ පතාකයින්ගේ නිර්මාණ කතාබහක් එක්ක අපේ සිකුරාදා දවස ගතවෙන්න ගත්තා. ආදරය, ශෘංගාරය සහ කාමරතිය එක්වෙච්චි තවත් රසබර, හරබර හෝරාකීපයක් ජීවිතේ එක්කම ගෙවිලාගියා. දේශපාළණයෙන් තොරව මීවිතෙන් තොරව ගෙවුන ඒ කාළය නම් අපතේ ගියවගක් මට හිතුනේ නෑ. 

අද සාහිත්යය සැඳැවක්, ශේක්ස්පියර්ගේ සොනට් 129,  මාර්වෙල්ගේ "ද ඩිෆිනිශන් ඔෆ් ලව්", කීට්ස් ගේ "ඔඩ් ඔන් මෙලන්කොලි", ඩෝසන් ගේ "විටයි සුමෝ බ්රේවිස්” (Vitae Summa Brevis), යීට්ස් ගේ "ඇන් අයිරිශ් එයාර්මන් ෆෝර් සීස් හිස් ඩෙත්" , කමින්ස් ගේ " යූ ශැල් අබව් ඕල් තින්ග්ස් බි ග්ලැඩ් ඇන්ඩ් යන්ග්", ස්ටීවන්ගේ "ද එම්පරර් ඔෆ් අයිස් ක්රීම්", මැක්නීස් ගේ "ද සන්ලයිට් ඔන් ද ගාර්ඩ්න්", ඕඩ්න්ගේ "ලේ යුවර් ස්ලීපින් හෙඩ්, මයි ලව්" කටපාඩමින් සහ ගූගල් කරලා බලාගෙන කියවන්න තරම් විසිරැනු, පැතිරැනු මතකයක් තියෙන මිතුරන් අතර ගැවසීමත් එක්තරා පිනක්. 

මගේ නම් මතකයන් ගැවසුනේ ඇමෙරිකන් පොයට් හාර්ට් ක්රේන් එක්ක. ක්රේන්ගේ කාව්යය/ පද්යයවල තිබුනේ ඇනෝමලි එකක්. ආක්යයනයේ පද ගැළපුම විලෝපිතයි. දෙවෙනි පදේට කලින් තවත් යමක් තියෙන්න ඕන ගැලපීමක් එන්න කියන අදහස මට බොහෝමයක් තැන්වල හිතුන දෙයක්. ඉතින් මේ ලෝකේ ඉන්න තේරැමක්ම නැති කවි ලියන කවියෙකුට වුනත්, තමන්ගේ තේරැමක් නැතිකවිවල ශබ්දරසය හෝ අකෘතිමය අලංකාරයවත් රැකගන්න ඕන කියලා හිතෙන්න ඕනනේ.. එහෙම හිතෙන්නෙත් නැති මොඩර්නිස්ට්, හයිලි ස්ට්යිලිස්ඩ්, ඇම්බිශස් ස්කෝප් එකකින් කියවන්නාට පිස්සු පීකුදු වෙන්න ලියන මට නම් ක්රේන් හොඳා.ඒ අතරට අර්ලි මොඩර්නිස්ට් එකේ එස්රා පවුන්ඩ්නුත් ඉඳහිට ඇඳිලා ආවා. තමන්ගේ විශාරද නිර්මාණයක් ගැන ඇතිවන අභිමානය ෆ්රොස්ට් ගේ "ද ඇක්ස් හෙල්ව්" වගේ නිර්මාණයක ගලපලා තිබුනට මටනම් එහෙමට සතුටුවෙන්න දෙයක් ක්රේන්ගේ තිබුනේ නෑ. ඒ වුනාට ක්රේන්ට මම කැමතියි.

සිංහල කවි සාහිත්යයේ බණ්ඩාර කේ. විජයතුංග අපේ මාතෘකාවට ලක්වුනා. ඇත්තටම කවියාගේ භාෂා භාවිතය, එලි වැට, එලිසමය, ශබ්ධ මාධූර්යය, අන්වය, සම්ප්රදායික කවි තුළ වාච්යාර්ථයට පිටිං ගිය ව්යාංගාර්ථ, කාව්ය අලංකරණ හා කාව්යයටම උචිත කාව්යමය භාෂාව සහ හයිකූ අපි විශාරද සංදර්භයකින් තොරවම නිදහසේ කතාකරා මොකද අපි චූල සම්ප්රදායේ උදවියනේ, බුකියේ වලිදාන, උස්තැන් දැක හැකිලෙන මිටිතැන් දැක පුප්පන අය අපි අතර නැතිනිසාත්, ස්වල්පයක් අතර සංසරනය වන අපේ අංකුර කවි අරටු බැහැපු ප්රවීනයොන්ගේ කවි වලට අලගු තියන්න බැරිවිත්තියත් අපි හොඳටම තේරැම් අරන් හිටිය නිසා. අපිත් ඉතින් මොකෝ රහත්වෙලායැ පොඩි සාදුලගේ කවි ගැනත් එහෙන් මෙහෙන් කියවුනේ ෆේස්බුක් එකේ කවියන්ගේ විප්රකාර දැකලා සසර දිග් වෙන එකත් කතාවෙචිචි නිසාතමයි. නාගොල්ලාගම කවි අතරට ජගා "ප්රොවර්බියල් බැල්ඩ්ස්" නුත් ගෙනල්ලා අතැරියා. ඇත්තටම බණ්ඩාර කේ. විජේතුංගත් පිටු පාලා ගිය පෙම්වතියක් අමතක කිරීමට නම වෙනස්කරගත් කෙනෙක්. බණ්ඩාර මුලින් හඳුන්වලා තිබුනේ ආනන්ද කේ. විජේතුංග යන නාමයෙනි.  සෙනරත් බණ්ඩාර ආනන්ද කුලතිලක විජේතුංග ඔහුගේ සම්පූර්ණ නම , ආනන්ද, බණ්ඩාර වුනේ ප්රේම පලහිලව්වක් නිසා කියලා තමයි මම සිළුමිණ පත්තරේ අතිරේකයක කියව්වේ. ප්රේමය නම් රාගයෙන් තොර සඳ එළිය සේ අචින්ත්යයි, කියලා නන්දා මාලිනී ගැයුවට අපේ කතාබහ ඇදිලා ගියේ මොහොතක සුවදෙන ලෞකිකවූ කාමයක් ගැන.

හැබැයි අපේ විවරණයට ලක්වුනේ ශේක්ස්පියර්ගේ සොනට් 129, ඒකත් ලස්සනට තේරැම් කරවලා ශාස්ත්රීය අගයක් එක් කලේ සෑමා, තට්ටේ හින්දා සිවුරක් අන්දලා බණට ඉදිරිපත් කරන්න පුලුවන් වුනාට ඇතුලේ ජාගර චිත්තයක් තියෙන සෑමා තමයි.

මේක බලාපොරොත්තු රහිත වෙච්චි පිරිමි හිතක තියෙන සංතාපයද? කාමතෘෂ්ණාවද? කියන එක පැහැදිලි නෑ. ඒකට හේතුවත් අනිත් පද්යයන්ගේ තිබෙන්නාවු පුද්ගලාබද්ධ ස්වභාවය නැතිනිසා. උදාහරණයකට ගත්තම “I” , “me”, “myself”, “thyself”, “thou” or “thy” කියන  පර්සනල් රිෆරන්ස් නැතිනිසා. මෙතනදී ශේක්ස්පියර්ගේ රාගික චිත්ත වික්ශෝපයද නැත්නම් අනියම් මෛවුන්දමකින් පස්සේ ඇතිවන සන්තාපයද කියලා නියම වශයෙන් විවරණයක් දෙන්න සෑමාට බැරි වෙනවා. සෑමා විතරක් නෙමේ ලොකේ කිසිම කෙනෙකුට බැරිව ඇති ශේක්ස්පියර්ටම ඇරෙන්න. එතනදී නාරි කේළ යුශ බින්දක් තොලගාගෙන ශේක්ස්පියර්ගේ සොනට් එකම එලු සඳස් ලකුණෙන් වර්ණ/මාත්රා එක්කරලා ප්ලුතයක් වගේ වරනගමු කියලා ජගා කිව්වේ සිකුරාදාට වයිල්ඩ් ටර්කි හනී ස්ටින්ග් එකක් ගහමු කියපු එක මතක් වෙලාද කොහේද. කොහොමත් ශේක්ස්පියර්ට ස්ත්රී පක්ශයේ අවධාණය තියෙන්න ඇති. අවුරැදු දහ අටේ ශේක්ස්පියර් අවුරැදු විසි හයේ ඈන් හැතවේ බැන්දට විවාහ ජීවිතේ සාර්ථක නැතිවගට ඉතිහාසඥයන් කියන්නේ ශේක්ස්පියර් වැඩි අවුරැදු ගානක් ලන්ඩන් වලත් ඈන් ස්ට්රැට්ෆර්ඩ් වලත් හිටපු නිසා වෙන්න පුළුවන්. 

Sonnet 129:  Th'expense of spirit in a waste of shame

  ~ BY WILLIAM SHAKESPEARE

Th' expense of spirit in a waste of shame 

Is lust in action; and till action, lust 

Is perjured, murd'rous, bloody, full of blame, 

Savage, extreme, rude, cruel, not to trust, 

Enjoyed no sooner but despisèd straight, 

Past reason hunted; and, no sooner had 

Past reason hated as a swallowed bait 

On purpose laid to make the taker mad; 

Mad in pursuit and in possession so, 

Had, having, and in quest to have, extreme; 

A bliss in proof and proved, a very woe; 

Before, a joy proposed; behind, a dream. 

    All this the world well knows; yet none knows well 

    To shun the heaven that leads men to this hell.

මේ 👆 තියෙන්නේ සොනට් 129, මේකේ පද බෙදීම වගේම විරාම ලකුණු බොහොම ලස්සණට ශේක්ස්පියර් යොදනවා උපරිම අලංකාරයක් එකතුකිරීමට.පළමු පද පේලියෙන්ම කියවෙන්නේ මෛවුන්දම නාස්තිකාර, නින්දිත ක්රියාවක් වශයෙන්, “Expense of spirit” එකෙන් එහෙම අර්ථයක් යෝජනා වෙන බව තමයි සෑමාගේ අදහස, මම නම් ඒකට එකඟ නොවුනත්, දෙවෙනියට අර්ථ දක්වපු “In waste of shame” කියන එකේ අහවර කරන ලද තේරැමට නම් එකඟ වුනා..තුන සහ හතර පද වල එන ( “Perjur’d, murd’rous, bloody, savage, extreme, rude, cruel” ) තරහව සහ මානසික ශක්තීන් පස්වෙනි පදයේ රාගිකව තාවකාලිකව ආශ්වාදයක් ලැබ පසුව හෑල්ලුවට ලක්කිරීමත් දැක්වෙනවා. “Despised once the chase is over” කාම තෘෂ්ණාව තාවකාලික උමතුබව ඇතිකරවයි (හයේ සිට නමය දක්වා වූ පද ) එය නිසා මිනිසෙකු සිහි විකල බවට පත්වීම සිදුවේ. ඒ මොහොතේ රාගයේ මිහිර, ඒ හා බැඳුනු ආශ්වාදය, කාමුක ප්රමෝදය විවාදයට ලක් කලනොහැකි දෙයක්, ගැටළුව ඇත්තේ මෝචනයෙන් පසුව ඇතිවන්නාවූ වරදකාරී හැඟීම්, උපවද්යයතාවය තුලයි. 

අවසාන දහතුන සහ දහහතර පදයෙන් දක්වන්නේ සියල්ලන් රාගයේ උණුසුමත්, පෙළඹවීමත් එය ප්රතිරොධය කිරීමට බාධාවත් නිසා ඇතිවන්නාවූ අභ්යන්තර අරගලය පරාජය වීම දැක්වීමටය. මිනිසුන් වශයෙන් සහ විශේශයෙන් පුරැශයන්ගේ තිබෙන්නාවූ අවේණික ලක්ශණයක්ද? නැතහොත් ශේක්ස්පියර්ගේ පුද්ගලානුබද්ද අත්දැකීමක්දැයි කීමට තරම් සාධක සොයාගතනොහැකි බව තමයි අපේ බහුතර එකඟවීම වුනේ.1585 සිට 1592 දක්වා කාළය ශේක්ස්පියර්ගේ නැතිවූ අවුරැදු ලෙස දැකිවීමට අන්තර් ජාළයේ සාක්ශී නම් බොහොමැයි... ඒ අතර තුර සිදුවූ අනුරාගික සබඳතා, පසුතැවීම්, වික්ශෝපයන් විලියම් ශේක්ස්පියර්ගේ සොනට් 129 මගින් සමාජගතකොට ඇතිබව අපි අවසන නිගමනයකට එළඹීයෙමු.

ප්රසංග නිවේදන කලාවේදී ද අපගේ සාකච්චා අතරට ඇතුලත් වූ, බණ්ඩාර හයිකු කාව්ය සම්ප්රදායය අනුගමනය කරමින් ගීතවලට ඉතාම කෙටි හැඳින්වීම් නිවේදන ඉදිරිපත් කල කෙනෙකි. වික්ටර් රත්නායකගේ ‘මාලිනියේ’ ගීතය ඔහු හඳුන්වා දෙන්නේ මෙසේය.

“පතිවත රකිනා කුල කුමරියන් ද ලොව ඇත.

ඇත...? අපි එසේ සිතමු”

ලෝඩ් චැම්බර්ලේන්ගේ අභ්යන්තර කවයේ සාමාජිකයෙකු වූ ශේක්ස්පියර්ද කාමයෙන් සන්තෘප්තව කල්ගෙවූ අයෙක් විය. ඔහුගේ බිරිඳ සමගද තුන්කොන් ප්රේමයක් තුබුනේය..

අපිද එසේ සිතමු...

ඒ අතර තුර රස විඳිමූ "සොනට් 129"

පසන්, පර්ත්, 2019.

පින්තූර අන්තර්ජාලයෙනි.

ස්ට්රායා මේට්..දිස් ඉස් ස්ට්රායා.. “ඔසී ජොබ් සොයාගැනීමේ එක් ක්රමවේදයක්”

ඕස්ට්රේලියාවේ කෙනෙක් කරන වෘත්තිය අදාළ නොවේ කියන ෆේස්බූක් පෝස්ට් එකක් දැක්කා. ඒකේ කමෙන්ට්ස්නුත් කියවලා මගේ පොට්ට කාසි දෙකත් දාන්න හිතුනා.

ඔය කියන්න ඕනවෙලා තිබුනේ "ලේබර් ඔෆ් ඩිග්නිටි” (Dignity of labour) එක ගැන. ඔතන ලොකු අවුලක් තියෙනවා මෙහේ හැමෝම එක සමාණයි කිව්වට තමන්ගේ කාළය, ශ්රමය කැපකරලා ඉගෙන ගත්ත කෙනෙකුගේ ඵළදායීතාවය නුපුහුණු කෙනෙක් ගෙන් බලාපොරොත්තු වෙන්න බෑ..ඒ පුහුණුවට, ඉගෙනීමට, වෘත්තීයට මෙහේ ලොකු අගයක් තියෙනවා, පිළිගැනීමක් තියෙනවා..ඉතින් ඩොක්ටර් සහ ලේබරර් අතර මෙහේ පරතරයක් තියෙනවා..කළු හම සුදු හම අතර පරතරයක් තියෙනවා..ඉතින් ඕකට කරපු රිසර්ච් ටිකක් බලලා කතාකෙරැවානම් හරි..අපි නම් හැමෝටම එකවගේ සලකනවනේ ඒක ඉතින් සමානාත්මතාවය - බුද්ධාගමේ වගේම කතෝලික ආගමේ එන ඉගැන්වීම්නේ ඒවා. ඒ වුනාට ඒක මොනිටරි වයිස් එක තැනකට ගේන්න බෑනේ..ඉතින් ඔය බෙදීම තමා ලේබර්, ලිබරල්, ධනවත්, නිර්ධණ පංති විප්ලවා දක්වාම යන්නේ..ඒක කවදාවත් ඉවරවෙන්නෙත් නෑ..ඉවර කරන්නත් බෑ..හරි ඉතින් ස්කිල්ඩ් මයිග්රේශන් ලිස්ට් එක බැලුවමත් ඕකේ වෙනස තේරෙනවනේ..මේක ඉතින් ස්තරායනය කරලා, කේස් ස්ටඩි දාලා, ෆෝකස් ගෲප් ඩිස්කශන් තියන්න තරම් ඉතින් ලොකු අද්යන පරාසයක්..ඒ වගේම අදාළ රිසර්ච් කරපු අය අතර වෙන්න ඕන සාකච්චාවක්..

ඕස්ට්රේලියාවට මුලින්ම ඇවිල්ලා ඔය පොඩි පොඩි ජොබ් කලාට අවුරැදු 5-10ක් යනකොට තමන් යම්කිසි ස්ථාවරයකට ඇවිල්ලා ඉන්නම ඕන. හැබැයි ඉතින් ක්ලබ් සීන් එකෙත්, බඩු සීන් එකෙත් ඉඳගෙන වැදිබණ කියන්න යනවානම් අවුරැදු 50ක් ගියත් බ්ලූ කොලර් පොරක් විතරයි. 

ඉගෙනගන්න ආසා නම්, කැපකිරීම තියෙනවා නම් ඇකඩමිකලි තමන්ගේ අරමුණට යන්නත් ප්රොෆෙශනලි වයිට් කොලර් එහෙමත් නැත්නම් මැනේජීරියල් ලෙවල් එකකට යන එක අමාරැදෙයක් නෙමේ. මිකැනික්ගෙන් පටන් අරන් වර්ක්ශොප් මැනේජර්ලා වෙච්ච අයත්, චෙෆ් ගෙන් පටන් අරන් රෙස්ටුරන්ට් මැනේජර්ලා වෙච්ච අයත්, අවුට්සයිඩ් ක්ලාක් ගෙන් පටන් අරන් ලෝයර්ස්ලා වෙච්ච අයත්, (ඔය හැමෝම වගේ ඉන්වෙස්ට්මන්ට් ප්රොපටීස් මෙහේ හරි ලංකාවේ හරි අරගෙන දාලා, හොඳ රස්සාවක් කරගෙන දරැ මල්ලෝ හදාගෙන ලංකාවටත් අනෙක් මිනිස්සුන්ටත් උදව්පදව් කරගෙන ඉන්න ආදර්ශමත් අය) ඕස්ට්රේලියාවේ හැම ප්රාන්තෙකින්ම හොයාගන්න පුළුවන්….හැබැයි ජීවිතේ පික්සු කෙලලා නම් ඉතින් සොරි තමා ඒ අය දිහා ලොන්ජිටියුඩනල් සර්වේ එකක් දාගෙන ඉන්න..(හොරෙන් ඈ)…

(හැබැයි අර 👆 කියපු බැලන්ස් ප්රොෆෙශනල අයත් ලංකාවේ හිටියා නම් ඒ අය මෙහෙට වඩා හොලිස්ටිකලි ඉහළතැන් වල ඉන්නවා, ඒක අන්තිමටම බලන්න මම බැලන්ස් කරන්න ඕන ලයිෆ්ස් පහක් කෙටියෙන් එලැබොරේට් කරනවා..)

මේක පට්ට දිග වෙයිද මන්දා..කොහොම වුනත් මම සමහර අයගේ ප්රොෆයිල් වලින් දේවල් කොපි කොරන් තියන් ඉන්නවා.. ඔය සොබ්බ ඩයල් දෙක තුනකුත් තියන් ඉන්න ඕන මොකද දන්නවද? ආ..ඒක මෙහෙම සිරාවට කියලා තිබුනා "හිමාලි දිසානායක - ජූලි23" මගේ යාළුවෙක් නෙමෙයි හැබැයි ලියමන මරැ හින්දා මම කොපිකර ගත්තා..  

~~~~~~~~~~~~~~~~~~~~~~~~~~~~~

FB - හිමාලි දිසානායක

July 23 at 11:00 AM · 

සමහර මිනිස්සු හරියට කොකාකෝලා වගේ..

කොහොම නිර්මාණය වෙච්ච උන්ද කියල නොදැනම අපි උන්ව ජීවිතේට එකතු කරගන්නව...

ඇගට හොදනෑ කියල දැන දැනම, ඇගටම ගන්නව..

"ආයෙ න්ම් ඕනෙ නෑ.. මේ අන්තිම පාර!" කියල හිතින් හිතාගත්තත්, ආයෙ උන්ටම උදව් කරනව..

" ඕව බොන්න එපා. වස!" කියල අනුන්ට උපදෙස් දෙනව, ඒත් තමන් බොනව!

අච්චර fresh juice තියෙද්දිත්, කෝක් එකක් ගැහුවාම තරම් කික් එකක් නෑකියල හිතනව..

ඒ වගේ උන් කී දෙනෙක් ජීවිතේ ඉන්නවද??? 

අනුන්ට බොරු පංඩිත උපදෙස් දෙනව, හැබැයි මෑන් තරම් කෙප්ප ගොනෙක් ලොවෙත් නෑ.

ගෙවල් ලස්සනට තියන් ඔන්න හැටි ගැන ලෝකෙ නැති vidoes දානව, හැබැයි ගෙදර සින්ක් එකේ කලින් දවසෙ කාපු හැලි වලනුත් ගොඩ ගැහිලා..

ලමයින්ව හදන හැටි ගැන කියා දෙයි මොන්ටිසෝරි මැතිනියටත්. ඒත් ලමයි හදන්නෙ නෑ " වදයක් " ලු...

සකසුරුවම් ගැන ටෝක්ස් තමා ටෝක්ස්...ඒත් ලෝකෙට ණය!

ම්න් න්ම් කියන්නෙ උනුත් ඉන්න ඕනෙ.. 

ඒවගේ අය කීප පොලක්ම මාත් මේකෙ දාගෙන ඉන්නෙ. ..

අපි ආතල් දෙනව විතරක් නෙමේ, ඔය වගේ

" සර්වලෝක පිත්තල දිස්න " උන්ගෙන් ආතල් ගන්නව ආයෙ ලොවෙත් නැතුව !!! 😀😀😜😜

~~~~~~~~~~~~~~~~~~~~~~~~~~~~~~~~~~~~~~~~~~~~

ඉතින් ඔය සේරම ඔපීනියන් කියවලා මේ මගේ පොට්ට කාසි දෙක මම ඔසී ජොබ් හොයපු විදිය..කතාවක් විදියටම දාන්නම්කෝ..ඔයාලත් කියවලා බලන්න ගොඩයනවද කියලා..හරි ගියොත් තව කෙනෙක්ට කියලා දෙන්නකෝ..

ස්ට්රායා වල ජොබ් සෙවීමේ මගේ විශේශිත ක්රම වේදයක් ඇත (මේක මේ 2007 කරපු එක හැබැයි "ස්ටුඩ් ද ටෙස්ට් ඔෆ් ටයිම්" සෝ ශෙයාරින් විත් යූ ඕල් ආ...දැන් ඉන්න සෙක්ට එකේ නම් ඉතින් කන්ටැක්ස් ම තමා බ්රෝ..). ඒ නම් පලමුව ජොබ් ඒජන්සියේ බැන්කු වලට ඉන්න රිකෘටර් හොයාගෙන සීවී එක ඊමේල් කිරීමයි..පසුව දවසකට දෙකකට පස්සේ කෝල් එකක් දීලා කතා කරනවා ජොබ් ඉල්ලන්න නෙවෙයි..එම්ප්ලොය්මන්ට් ට්රෙන්ඩ්ස් ගැන වගේ කතාකරන්න තුන්වෙනුව ශේප් එකේ කොෆී එකකට සෙට්වෙනවා..එතකොට නිකම්ම වැඩේ ගොඩ..මම මේක ලන්කාවේ එවුන්ට අනන්තවත් කියනවා..උන් මේක කරනවා මුල ස්ටෙප්ස් දෙක ලෙසටම හැබැයි තුන කාගන්නවා..කොහොමත් බෑංකින් & ෆයිනැන්ශල් සෙක්ට එකේ ඉන්න රිකෘටින් කෙල්ලො ලස්සණයි..ඒ වගේම බොහෝම ඇප්රරොචබල් සෝශල් එවුන්..කෝපි බොන්න ගියාම අපේ ලන්කාවේ බූරැ වාහෙලා මුන්ව වෙන ඒවලට සෙට්කරගන්න බලනවා..ඒජන්සි එකෙන්ම බ්ලැක්ලිස්ට් වෙලා ජොබ් කරගන්න බැරුව ලොකු ටෝක්දදා ක්ලිනින් කරන්වා..අපි පව් කියලා අපේ යාලු සුද්දියොන්ට කියලා රෙකමන්ඩ් කරාට උන් ඇවිත් අපේ එවුන් එවපු මැසේජ්ස් පෙන්නනකොට බඩකපාගෙන මැරෙන්න හිතෙනවා. පොඩි කොල්ලො වගේම ළමයි දෙක තුන ඉන්න ලන්කාවේ හොද ජොබ් දාලා මෙහේ ඇවිත් වාත වෙන නාකි පොරවලුත් මුලින් රස්සාව ගන්න නෙමෙයි බලන්නේ පොඩි කෑලි වලට සෙට් වෙන්න...මෙන්න මේ හේතුව නිසා මම ලන්කාවේ හොදම දන්න බොක්කකට ඇරෙන්න වෙන එකෙක්ටවත් ජොබ් වලට සපෝර්ට් දෙන්නේ නෑ..දන්න එවුන්ට නම් එනකොටම බෑන්කින්ද ලීගල් සපොර්ට්ද ජොබ් සෙට් කරලා දෙනවා..

මෙහේ ආපු මුල් දවස් වල මට ජොබ් ඒජන්සි හත අටකින්ම කතා කරා (ඔය උඩ කිව්ව කෝපි ස්ට්රැටජිය වැඩ කරනවා ඇ..කෙල්ලො නම් ඉතින් මොනවද නේහ්...අනික ඉතින් ඕවා ඉමොශනල් ඉන්ටෙලිජන්ස්..මාතර අපිට කොහෙත් එකයිනේ...), හේයිස්, රොබර්ට හාල්ෆ්, හඩ්සන්, කෙලී සර්විසස් සහ චෑලෙන්ජ් රෙකෘට්මන්ට් ටික වෙන් කර ගෙන ඒකෙනුත්…මම කෙලී සර්විසස් එකට ගියා ඒකේ හිටියේ ලෝරා පැටර්සන් කියලා යූකේ කෙල්ලෙක්. ටිකක බරසාර එකක් හැබැයි හොද කෙල්ල..මම මුලින් පටන් ගත්තේ ටෙම්පින් (ටෙම්පරරී) හැබැයි ෆුල් ටයිම් වැඩ සෙට් වුනා..මොකද මම මාර ෆ්ලෙක්සිබල් හින්දා..ටෙම්පින් හින්දා මම එක එක දවසට යන බ්රාන්ච් වෙනස් වෙනවා.අද සවුත් පැත්තේ ඩොටේ බ්රාන්ච් එකක වැඩට යන මම හෙට සිටි එකේ, අනිද්දා නොර්ත්වල ඩොටේ තැනක. සමහර වෙලාවට සවුත්වල ඩොටේ බ්රාන්ච් එකකට ගිහිල්ලා අමාරුවෙන් පාකින් හොයාගෙන බ්රාන්ච් එක ඇතුලට යන්කොට ලෝරා කතා කරලා අහනවා නොර්ත්වල බ්රාන්ච් එකකට යන්න පුලුවන්ද කියලා "නෝ ප්රොබ්ලම් ලෝරා ජස්ට් ගිවි මී වන් අවර් ටු රීච් දෙයා" කිව්වම ඒකිට ෆුල් හැපී.."යු ජස්ට් මේඩ් මයි ඩේ ඩාලින්" කියලා මාව මුරැන්ගාගහේ උඩම තියෙනවා..ඔය වගේ ඒවා හින්දා උන්ට මන් ගැන විශ්වාසයක් ඇතිවුනා..අනික අපි වල් ටෝක් දාගෙන ෆර්යිඩේ බීගෙන ක්ලබ් බඩගාන ඩයල් නෙවෙයිනේ..ඉතින් අර ලන්කාවේ ප්රොෆෙශනල් ප්රොෆයිල් එක ශේප් එකේ හදාගත්තා..ඒ කියන්නේ අරමුණක් ඇතිව මෙහෙට ආපු, ජීවිතේ සරළව විදින බැලන්ස් එකේ ඉන්න කැටගරි එක.. දැන් එතකොට ඔයාලා බලයි අනෙත් කැටගරි මොනවද කියලා නේද? 

මෙහෙත් ඉන්නවා එක එක අප්සැට් කැටගරි වල පොරවල්, පළවෙනි කැටගරි එක තමයි බොරැව දාලා මෙහේ ආපු කොලිෆිකේශන් නැති බොරැවෙන්ම ජීවත්වෙන චාටර් සෙට් එක. ප්රසන්ටේජ් (percentage) එකක් වශයෙන් ගත්තොත් 40%  විතර ඉන්නේ උන්. මේ එහෙම එකෙක් ගැන කතාව...මම ලන්කාවෙන් ඇවිල්ලා එක එකා කියන් දේවල් අහන්නේ නැතුව උඩ කියපු විදිහට ඇප්රොච් කරලා බැන්කුවලටම සෙට් වුනා..ඔහොම ඉන්නකොට දවසක් සුපර්මාකට් එකකදී ලන්කාවේ පොරක් සෙට් වුනා..එයා තමයි මුලින්ම කතා කරලා එයාවම ඉන්ට්රොඩියුස් කරලා ලොකු වන්ශෙන් දෙන්න ගත්තා..පොරට ගෙවල් 7ක් තියනවලු..බිස්නස් දෙකක් තියෙනවා..පර්ත් වල ඉන්න සේරම ලොකු පොරවල් එයාගේ යාලුවෝ..මට මොනවහරි වුනොත් මුලින්ම එයාට කතා කරන්න කිව්වා..මමත් ඉතින් ගොනා පාර්ට් එක දාගෙන අහගෙන ඉන්නවා..මගේ ට්රොලියේ තියෙන්නේ චිකන් කිලෝ පහක් වෙන වෙනම කිලෝ එක ගානේ, බ්රෙස්ට් පීසස් තයිස් වෙන්වෙන්ව..(පට්ට කුක් ඇ..සමහර දවසට මම ඔසියොන්ට උයනවා උන් අඬ අඬ කන්නේ..තුනපහ දාලා මිරිසට හැදුවම පට්ට රසයි..හැබැයි පට්ට සැරයි..සැර නිසා දුම් දාගෙන කඳුළු පෙරාගෙන අඬනවා හැබැයි රස නිසා නවත්තන්නේ නැතුව කනවා..හැක් පරණ ඇරියෙස් කැමෙනුත් කවර් කරන්වා..) රතුහාලේ බත් 10kg පැක් තුනක්, බිස්කට්,චීස්, ජූස් පැකට්, ටූ ලීටර් මිල්ක් බොට්ල් දෙකක්.. කැරට්, බෝන්චි, අමු මිරිස් වගේ එලවළු,බිත්තර හැටක්..ඔය වගේ ඒවා තමයි.. මේ යකාගේ එකේ තියෙන්නේ ෆ්රොසන් පිට්සා, මිනරල් වෝටර්, ෆ්රොසන් වෙජීස්, කැනලොනි, තඩි චිප්ස් පැකට්, ඌරු මස්, දැල්ලෝ වගේ ඒවා.මිනිහා තව කජු වගෙත් අරෙගෙන මට කියනවා "මම හොදට කන බොන මිනිහා මල්ලී, ජේසු පිහිටෙන් කොලෙස්ට්රොල්, ප්රෙශර් නෑ"  කියලා.කොහොම හරි කයිය දාගෙන චෙකවුට් එකලගට ගියා, වැඩිහිටියනේ කියලා මම මිනිහට ඉස්සරවෙන්න දුන්නා..චෙකවුට් එකේ කෙල්ල බඩු දාද්දී මිනිහ මගෙන් අහනවා බොනවද කියලා මමත් ටිකක් කල්පනා කරලා කිව්වා, "අයියේ ලන්කාවෙදි නම් ටිකක් බිව්වා බැන්ක් එකේ ඉන්න කාලේ දැන් නම් කාලෙකින් බිව්වේ නෑ”  කියලා. ආ..අද මගේ ගානේබොමු මල්ලි ඉන්න මම එහාපෑත්තේ "බී ඩබ්ලිව් එස්" එකෙන් බොට්ල් එකක් අරන් එන්නම් කියලා උසේන් බෝල්ට්ට වඩා වේගයෙන් මාරු..චෙකවුට් කෙල්ල සේරම බෑග් වල දාලා මගෙන් අහනවා "වෙයර්ස් යුර් ෆ්රෙන්ඩ්? ද ටෝටල් ඉස් ඩොලර් 178 ඈන්ඩ් අයි කාන්ට් හොල්ඩ් ද කිවු (queue) කියලා" මම මගේ කාඩ් එකෙන් උගේ බිලත් ගෙවලා මගේ බඩුත් අරගෙන එලියට එනකොට මේන්න මූ එනවා හිනාවේගෙන “ඕ සොරිමල්ලි අයි හැව් ටු ගෝ ටු ද ෆිලින් ස්ටේශන් ටු ගෙට් සම් සිගරෙට්ස් බට් ඉන් ද "බී ඩබ් එස්" දේ ඩෝන්ට් හැව් මයි ස්ට්ෆ් සෝ විල් කැච් අප් ලේටර්"  කියාගෙන. එහෙම ඇවිත් උගේ ට්රොලි එකත් අරගෙන මුකුත් වුනේ නෑ වගේ ගියා..මමත් ඉතින් බලු කපුටු දානයක් දුන්නා කියලා හිත හදා ගත්තා.. 

මම කිව්වනේ මම ටෙම්පින් කරන් හින්දා එක එක බ්රාන්ච් වලට යනවා..එක තැනක වැඩ පොඩ්ඩක් වැඩිවෙලා ට්කක් රෑ වුනා..මම බ්රාන්ච් එකෙන් එන්කොට මෙන්න එදා පොල්ල තිබ්බ ඩයල් එක වැකුම් එකක් කරේ තියාගෙන බ්රාන්ච් එක පැත්තට එනවා..මම ආපහු බ්රාන්ච් එකට ගිහින් වොශ් රැම් එකට වෙලා ටිකක් ඉදලා ආවා..මට බිස්නස් දෙකක් තියෙනවා කිව්ව එකා බ්රාන්ච් එක ක්ලීන් කරනවා දාඩිය දාගෙන.. බැලුවම ඌට තියෙන්නේ ක්ලීනින් බිස්නස් දෙකක්..එකක උගේ වයිෆ් ඒජ්කෙයාර් ෆෑසිලිටි එකක් ක්ලීන් කරනවා මූ බැන්කු ටිකක් ක්ලීන් කරනවා..මමත් ඉතින් "ආ අය්යා කොහොමද” කියලා සින්හලෙන් කතා කරා..ඌ එතනත් නයි අරිනවා..”අයි ඈම් සෝ පිස්ඩ් මල්ලී මයි වර්කර් ගොට් සික් සඩන්ලි සෝ අයි හැව් ටු ඩු දිස් අදර් වයිස් අයි ඩෝන්ට් ඩු දිස් ස්ට්ෆ්” කියලා එතනත් නයා අරිනවා..එතකොටම උගේ ගෑණි කතා කරා, "එක්ස්කියුස් මල්ලී වන් මිනිට් ආ" කියලා ඌ ආන්සර් කරනවා පෝටබල් වැකුම් එකක් කරේ දාගෙන..ලග හින්දා කියන දේ මට ඇහෙනවා, උගේ ගෑණිට මළ පෑනලා ඒජ් කෙයා එකේ නාකි මිනිහෙක්ට බඩ ගිහිල්ලා කාමරේ ඇද ගාව ඉදන් ටොයිලට් එක ගාවටම බිම ජරාකරලා..ගෑනි කියනවා ඌට එන්නලු..ඒ ගෑනි ඒක කියපු විදිහ අහලා මට වමනේ යන්න ආවා..මම එහෙමම ඌට හැන්ඩ් සිග්නල් වලින් යනවා කියලා ආවා..දෑන් ඉතින් කියවන කෙනෙක්ට හිතෙන්න පුලුවන් ඔය රටවල් "ලේබර් ඔෆ් ඩිග්නිටි" (Labour of Dignity) තියෙනවා මොනව කරාම මොකද කියලා, මේ යකා මෙහෙට ඇවිත් තියෙන්නේ දෙවියෝ විකුනලා, මෙහේ තිබුනා රිලිජස් වර්කර් කියලා වීසා කැටගරි එකක් (සබ් ක්ලාස් 408 කැටගරි එක), දේව සේවයට එන්න ඕන වෙන්නේ පල්ලියේ ෆාදර්ගේ ලියුමක් විතරයි, ඒවත් එක්ක බොරු පවුල් පොත් ගහලා, බැප්ටිසම් සර්ටිවිකට් ගහලා මෙහෙට එනවා. ඇවිත් දේව සේවය පැත්තක බොරු කොම්පැණි දාගෙන කුනු අදිනවා..අලුතෙන් ආපු එකෙක් දැක්කම බොරෑ ශෝ දානවා...ඉතින් එහෙම කරලා ඇවිත් අපිටත් පොලු තියෙන්වා ඉතින් ඔයවගේ එවුන්ට නාකි සුද්දන්ගේ ජරාව අදින්න නෙමේ ජරාව කන්නයි වෙන්න ඕන…

තව එවුන් ඉන්නවා (20% විතර) වොකේශනල් ක්වොලිෆිකේශන් ටිකක් හදාගෙන හිමීට ලන්කාවෙ ඔලුව උස්සගෙන එන්කොට ඔය බ්රික් ලේයින්, කොමර්ශල් කුකරි වගේ බොරු සර්ටිෆිකේට් දාලා මෙහේ පීආර් එක දාගත්ත එවුන්.. උන්ට ඉතින් ආපහු ලන්කාවට යන්නත් බෑ ඒක නිසා කටු කාගෙන ලන්කාවට බොරුවට බැන බැන ඉන්නවා..මෙහේ ටැක්ස් සිස්ටම් එක හින්දා තමයි නිව්ස්ටාට්, සින්ගල් පෙරන්ට්, විඩොවර් බෙනිෆිට් සේරම දෙන්නේ  අපෙන් ඔය ගන්න ටැක්ස් එකෙන්... හැබැයි ඔය ටැක්ස් සිස්ටම් එක අර 'ටැක්ස් සිස්ටම් එක්ස්ප්ලේන්ඩ් ඉන් බියර් වීඩියෝ"  වගේ සරළ නෑ. අපේ මෝඩ සෙට් එකට ඕනෙම ගූගොඩක් සුද්දෙක් කිව්වම හොදයි කිවිවම හොයල බලන්නේ නැතුව කරේ තියාගන්න නිසා හිතන් ඉන්නේ හරිම සාධාරණ ප්රොග්රෙසිව් සිස්ටම් එකක් කියලා, උන් සේරම හැලිය රත් වෙනකන් ඉන්න ගෙම්බො වගේ..කාලේ ගිහිල්ලා නාකිවුනාම රජයෙන් හම්බවෙන එකෙන් ජීවත් වෙන්නත් බෑ..ආපහු ලන්කාවට යන්නත් බෑ..කරගත්ත දේකුත් නෑ..ඉදිරියකුත් නෑ..මුන් සේරම එකම කැටගරියේ..සෝබන කුක්කෝ..

අනිත් එක තමයි රිෆුජි කැටගරිය..යුද්දේ කාලේ කැඩිච්ච එකම ගේ පැති හතරෙන් ෆොටො ගහලා පවුල් හතරක් වීසා දානවා..කාලෙකට කලින් බෝට්ටුවෙන් ආපු එවුනුත් එහෙමයි..මෙහේ ප්රසන්ටේජ් එකකට 15% වගේ ඉන්නේ..උන්ට ඉතින් කොහොමත් ආතක් පාතක් නැනේ...ඔය වැදි ගෑනියෙක් එක්ක සෙට් වෙලා (ඈබොරිජිනල්) ඔහේ ඉන්නවා අරමුණක් නැතිව පාවෙන චරිත...උන් ගෑන නම් ඉතින් මෙයිට වඩා කියන්න දෙයක් නෑ..උන්ගෙන් අපට වැඩකුත් නෑ..උන්ට වැඩකුත් නෑ..රටට වැඩකුත් නෑ…

ඊලග (25% විතර) කැටගරිය සබ් කැටගරි තුනකට විතර කඩන්න පුලුවන්, මුල්ම එක බර කාලෙකට කලින් මෙහෙට ආපු ඩිග්රි කොලිෆයිඩ් ප්රොෆෙශන්ල්ස් ලා..උදාහරණෙකට ගත්තොත් දෑන් අවුරුදු 50 -60ක් විතර වෙන අර්ලි තර්ටීස් වලවගේ මෙහෙට ආපු සෙට් එක (1960 ගනන්වල වගේ මයිග්රේට කරපු අය). ඔය ගොඩක් ඉන්ජිනියර්ස්ලා, ඩොක්ටර්ස්ලා (යුනිවර්සිටිවල් පී ඒච් ඩී ඩොක්ටර්ස්ලාද ඇතුලුව ) ඒ අයට කොහොමත් ලන්කාවට යන්න බෑ, ප්රධාන දේ ලන්කාවේ එයාලගේ මට්ටමේ හිටපු සේරම කැරියර් වයිස් ටොප් ලෙවල් වලට ගිහිල්ලා..මෙහේ තියෙන බැම්බු සීලින් / ග්ලාස් සීලින් එක හින්දා සාමාන්යයෙන් කලු හම තියෙන අය ඉහළම පොසිශන් වලට ගන්නේ නෑ..මේකට බැම්බු සීලින්ග් කියලා ඉස්සර කිව්වේ ඒශියන් අයට ඉහලට යන්න නොදීම නිසා..ස්ටැටිස්ටිකලි ඒශියන් බැක්ග්රවුන්ඩ් එකෙන් එන එක්සෙකටිව් මැනේජර්ස් ලා 1.9% වගේ ලීඩර් ශිප් රෝල්ස් වල බොහොම අන්ඩර් රිප්රෙසෙන්ටඩ් අය.ඉතින් ලැජ්ජාව වහගෙන ලන්කාවේ පාරවල්වල් ට්රැෆික්, කුණු, දෙශපාලණේ අරව මේව කියව කියව මෙහෙට වෙලා සුද්දන්ට යටවෙලා තමයි මේ පොරවල් ඉන්නේ..මම දන්න අවු.50 -60 කොලිෆයිඩ් ඩයල් ඕස්ට්රේලියන් අවු.35-40 පොඩි කොල්ලො යටතේ වැඩකරනවා..මේවා හොදට හොයල බැලුවොත් ඕන කෙනෙක්ට හොයාගන්න පුලුවන්..අනිත් එක මේ මිනිස්සු උන්ගේ ලමයි හදලා තියෙන්නේ ලන්කාවේ විදියට නෙමෙයි.. වැඩේ කියන්නේ ඕස්ට්රේලියන් විදියටත් නෙමෙයි..ඉතින් උන් සන්ස්කෘතික අනාතයෝ..උන්ට ඉතින් දෙමව්පියො වගේම මෙහේම කාගෙන වැටීගෙන ඉන්න එක තමයි එකම් ඔප්ශන් එක..

අනිත් එක තමයි දෑනට අවු.10 -15 කට විතර කලින් ආපු ප්රිරොෆෙශනල් සෙට් එක ඒ කියන්නේ බී. කොම්, මැනේජ්මන්ට් වගේ ඩිග්රි ගහලා තියෙන අකවුන්ට්ටන්ට් ලා, ඔඩිටර්ස්ලා, ලෝයර්ස් ලා,  කිව්. එස් ලා වගේ අය , ගෙදරක් හොද සබර්බ් එකකින් අරන් වාහන දෙක තුනක් තියාගෙන ෆේස් බුක් එකේ ට්රැවල් ෆොටොදාන සෙට් එක..මේඅයට කෝපරේට් සෙක්ට එකේ කැරියර් ප්රොග්රෙශන් එකක්, අප්වර්ඩ් මොබිලයිසේශන් එකක් නෑ..ඉතින් හුග දෙනෙක් හිමිහිට තමන්ගේම කන්සල්ටන්සි, ටැක්ස් ෆර්ම්ස් එහෙම නැත්නම් පර්සනල් ඉන්ජරි, මයිග්රේශන් ලෝ හරි කන්වේයන්සි ෆර්ම් එකක් දාගෙන ඔප්පුවක් ලියාගෙන ඉන්නවා..මෙහෙම දේ වලට යනකොට තමන්ගේ කාළය ඒවට වැය කරන කොට ඩිවොස්, අයාලේ ගියපු ළමයි ඉතින් සුලබයි..හොරකොටු සෙට් කියලත් කාඩ් ගහන්නේ මුන්ට..මේ සෙට් එක තම්යි අපි ළමයි වෙනුවෙන් තමයි සේරම කරන්නේ කියාගෙන පන්සල් පල්ලිවල ෆොටො අප්ලෝඩ් කරන සෙට් එක. උදාහරනේකට ගත්තොත් අර තමන්ගේ ගෑනියි සුද්දියෙක් එක්කත් එකට ආතල් එකක් ගන්න ගිහින් ගෑනි මිටියෙන් ගහලා මරපු ජිනේXXඩ්ර කියපු ඩොකා මතකද? අන්න ඒ වගේ පිටින් ප්රොෆෙශනල් වුනාට ඇතුල කුනු ඩයල් උන්ටත් ඉතින් තියෙන දෙයක් කාලා වෙන දෙයක් බලාගෙන ඉන්න තමයි තියෙන්නේ..ඔය මිනිස්සු ලන්කාවේ හිටියනම් මෙයිට වඩා හොදට ලමයි හදාගෙන ලස්සන පවුල් ජීවිත ගතකරන්න සමහර විට ඉඩ තිබුනා..මේ රටවල ආගමික පරිසරයත් "බො" යන්න තමා, පන්සලේ උත්සවේකදි නම කිව්වේ නෑ කියලා පොරක් දානෙත් නැවැත්තුවා..

දෑන් ඉතින් ඔයාලා බලනවා ඇති අනුන්ට මඩගහන මූ මොන සෙට් එකේද කියලා, මඩක් නෙවෙයි ගැහුවේ ඕක තමයි ඇත්ත තත්වේ තමන්ට ප්රොෆෙශනලි ඉදිරියක් තියෙනවා නම්, අවන්කව ආදරේ කරන දුකට සැපට එකට ඉන්න බිරිදක් හෝ ස්වාමිපුරුශයෙක් ඉන්නවා නම්, යුතුකම් කරන්න දෙමව්පියෝ සහොදර සහොදරියො ඉන්නවා නම්, ඉපදුන රටට සමාජයට යමක් කරලා, දුදරුවන්ට හෙටක් හදලා මෑරෙන්න ඕන කියලා හිතනවා නම් මොන ලබුගෙඩියකට මේ ඕස්ට්රේලියා  එන්න කියල මැරෙනවද මන්දා..

ට්රෑෆික් ගැන කියන එවුන්ගෙන් අහන්න තියෙන්නේ ඔච්චර අවුල ටැක්සි එලවනවද කියලා..මොකො මෙහෙත් වෙනසක් නෑ. උදේ 6.42ට ක්විනානා ෆ්රිවේ එකට දෑම්මම 100ට ගියෑකි..උදේ 6.45ට දෑම්මම 40ට ගියෑකි..කොහොමද විනාඩි තුනේ වෙනස..මම ලමයට උදේට කවලා, කෑම දාලා උදේ 6.35ට යනවා..හවසට එක්කෝ පෑය 1/2 ක් කලින් එනවා, නැත්නම් පෑය 1/2ක් පරක්කු වෙලා එනවා...කුණු කොහෙත් තියෙනවා..එක්කෝ බැරල් එකක් ගෙනල්ලා කොම්පොස්ට් හදලා දෑම්ම නම් ඉවරයි.

ඉතින් මේක කියවලා හඳ පෙන්නුවම ඇඟිල්ල දිහා බලන්න එපා…මම කියන දේ තේරැම් ගන්න අයත් ඇති තේරැම් නොගන්න අයත් වැඩි ප්රමාණයක් ඇති..කාළාම සුත්රයේ බුදු හාමුදුරුවෝ කිව්වා වගේ සොයලා බලලා කියනදේවල හරයක් තියෙනව නම් අර ගන්න..සතුට තියෙන්නේ ඕස්ට්රේලියාවේ වත් එන්ගලන්තයේ වත් නෙමෙයි..තමන්ගේ හිතේ..හිතේ සතුට නැත්නම් කොහේ ගියත් වැඩක් නෑ සතුටක් නෑ..ඉස්සෙල්ලාම තමන් තමන් ගැන, පවුල ගැන සතුටුද බලන්න. යන්නෙ ඇයි? මොකටද?  හොඳට හිතලා බලන්න..සල්ලිනම් කොච්චර හම්බකරත් ඈතිවෙන ජාතියක් නෙමයි. තමන්ගේ සීමාව මොකක්ද කියන් එක තමන් දැන ගන්න ඕන..එතකොට සතුට විදින්න මොකක්ද කරන්න ඕන කියල අනුන් කියන්න ඕන නෑ තමන්ම දන්නවා….

මේ මම වගේ අය තමයි ඉතිරි වෙලා ඉන්න සුලු පිරිස (5% වගේ) සාදු කාරයක් දෙන්න පින්වතුනි..ඉතිරි ටික අහන්න..., මේ සෙට් එක තමයි බැලන්ස් කරන සෙට් එක..මොනවද බැලන්ස් කරන්නේ දන්නවද? ජීවිත පහක් බැලන්ස් කරනවා..කොපි රයිට් නෑ..ඔයාලත් මේක ඩිවලොප් කරලා පුළුවන් නම් මිනිස්සුන්ට කියලා දෙන්න.ඇකඩ්මික් ලයිෆ්, කෝපරේට් ලයිෆ්, සෝශල් ලයිෆ්, රිලිජස් ලයිෆ් සහ ෆැමිලි ලයිෆ්, ඔය පහ බැලන්ස් කරන එක තමයි කරන්නේ..එකක් වත් අඩු කරන්නේත් නෑ..වැඩි කරන්නේත් නෑ.

ඔහොම බැලන්ස් කරන සුලු පිරිසක් මේහෙත් ඉන්නවා... හැබැයි ඔය බැලන්ස් කරන එක හරි අමාරැයි..ඒකට හරි ස්ට්රැටජීස් තියෙන්න ඕන..අර කිව්වා වගේ ඇකඩමිකලි ඉහලටම ගියාට දරැවා කුඩ්ඩෙක් නම් වැඩක් නෑනේ..අනික කෝපරේට් සෙක්ට එකේ ඉහළටම ගියාට (ඔසී නම් පබ්ලික් සෙක්ට වානා.) ගෙදර ගෑණි/ මිනිහා පිට ගිහින් නම් ඉතින් මොකටද, පට්ට සෝශල් වෙලා වටේටම පොළු ඩයල් එකක් වෙලත් වැඩක් නෑ. නම කියවා ගන්න පන්සලට දානේ දීලා/ බිල් ගෙවලා අනුන්ගේ ගෑණුන්ට මැසේජ් කරලා මාට්ටු වුන අයත් ඉන්නවා..එත්කොට රිලිජස් ලයිෆ් ඩෙඩ්..ඔය මොනවා කලත් අන්තිමට ඉතුරැවෙන්න පවුල විතරයි..ඉතින් සේරම් බැලන්ස් කරන් සිරා පොරවලුත් මෙහේ ඉන්නවා…ඒ අය ප්රෙශර් එක හැන්ඩ්ල් කරන්න, කාගෙන වැඩ කරන්න දන්නවා..ඔය ඩයමන්ඩ්ස් හැදෙන්නේත් පොළවේ හීට් එකයි, ප්රෙශර් එකයි හින්දනේ..ඕක දරාගන්න බැරි අය බ්රේක් වෙනවා නමුත් පීඩණය දරාගෙන වැඩකරන්න පුළුවන් අය "දියමන්ති" වගේ හැමපැත්තටම එළිය දෙනවා..ඒඅය අපේ ලන්කාවේ සන්ස්කෲතියේ විදියට ළමයි හදාගෙන ප්රොග්රෙසිව් විදිහට හිතලා පවුල් ආරක්ශාකරගෙන දෙමව්පියන්ට සලකගෙන ඉන්න මිනිස්සු..මෙහේ ඉන්න බැරිනම් ලන්කාවට හරි ඕනම මොහොතක එන්න පුලුවන් අය..

ඒක නිසා සමාජ අසාධාරණය, තමන් කරන රැකියාව උත්කර්ශයට නන්වලා, මමත්වය බුකියේ උඩදානවට වඩා තමන්ගෙන් වෙන්න ඕන යුතුකම්, වගකීම් කරලා සතුටු වෙන්න. මෙහෙට මොන හේතුවක් නිසා ආවත්, මොන වෘත්තියේ හිටියෙත් සමාජයට දෙයක් දෙන්න..ඇත්ත සමාජ ගත කරන්න.. ඒකට බුකියෙන් ලොග් අවුට් වෙන්න…නැත්නන් වෙන්නේ අර හිමාලි කිව්වා වගේ අනික් අය තමන්ගෙන් ආතල් ගන්න එක තේරෙන්නේ නෑ..පිස්සෙක්ට පිස්සුව තේරෙන්නේ නෑ..ඒකෙ " සර්වලෝක පිත්තල දිස්න " පේන්නේ බලන් ඉන්න අයට විතරයි...හැව් අ නයිස් වීක් එන්ඩ් ඇන්ඩ් ට්රයි ටු සී විත් අවුට් බ්ලින්කර්ස්...විල් සී යූ ඕල් නෙක්ස්ට් ටයිම්..…

© පසන්, පර්ත්, 2019.

පින්තූර අන්තර්ජාලයෙන්.

~~~~ සනුහරේ නැති පෙම ~~~~

පොරොන්දම් මහගොඩක අස්සේ හිතේ නැති ඔබ ලඟින් හිටියා..

ස්නේහයක් නැති පපුතුරේ නුඹ හීණ තවරනු සෙමෙන් දැනුනා..

හීනි හඬකින් කොඳුර කොඳුරා රාග ගිණි හද සුසුම් යැදුවා..

තදින් මිරිකූ උරස් හරිමැද වෙනකෙනෙක් මගේ හිතේ උන්නා..

අසිරි ගී මැද රනින් පුරවා හිතින් ඈතට සෙමෙන් ඇදුනා..

පෙමක් කැටිකොට දෑස් දල්වා නුඹේ ඇස් මට දුකක් දුන්නා..

හිතේ අයිනේ මාළිගාවක සඳළුතළ මත ඇයත් සිටියා..

මිරිඟුවක ඇති වතුර බොඳවී ඔබේ රැව එහි ගිලී වැටුනා..

රැහිරැ විහිරැනු ශ්වේත සළුවේ ජීවිතේ බර තදින් ඇඳුනා...

හීන් හඬකින් මගේදැයි නුඹ දෑස් දල්වා සෙමෙන් ඇසුවා...

සදානොවෙනස් නිහඬ මා සිත ඈත අහසෙක ඈව සෙව්වා...

කවක් ලියලා නුඹ රිදන්නට මගේ සිත තව වාරැ නැතිවා..

හදේ පතුලේ කටු ගොඩක් මැද රෝස මල්පෙති ඇයත් දුටුවා...

සනුහරේ ඇති ලේබලේකට මගේ සෙනෙහස ලංසු තිව්වා...

සසර ඉමතෙක් එක්ව යන්නට පෙරැම්පුරලා පහන් දල්වා..

පැතු අප ලොව තනිව යෑමට පෙර කෙරැ පව ඇගෙන් ඇසුවා..

~~~~~~

   © පසන්..2019

   පින්තූර අන්තර්ජාලයෙනි.